Psalm 25:9 - De Beebaa Dabu

⁹ Ia e dagi gilaadeu e llodo maolalo i mee heohi ma de agoago ange gilaadeu i dono haiava.

Psalm 25:9 Referans Kwoze

Psalm 23:3

Ia e hagammahi dogu hagasaalunga. Ia e dagi au i de haiava o de heohi, i hiidinga o dono ingoo.

Galatians 5:23

ma de daudonu, ma dugu iho lodo o tangada; gai e deai donu se hainga e hai baasi ange gi mee nei.

Matthew 5:5

E manuuia gilaadeu e daudonu; go gilaadeu e henua i henua i lalo!

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Psalm 149:4

Go hiidinga Tagi Maolunga e malangilangi i ono dangada; ia e hagamahamaha gilaadeu e lodo maolalo i de hagaola.

Psalm 147:6

Tagi Maolunga e hagammahi gilaadeu e vaivai haia, aagai e hagamaolalo de gau baubau.

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

1 Peter 3:4

aagai goodou hagamahamaha ina goodou i mee i de lodo e dee gidee laa, go mee e dee maua gi pobo, bei de daudonu ma tee muu i de lodo maolalo; aanei mee e hagamogomogo i daho de Maadua.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

Psalm 119:66

Agoagona mai au i de iloo mee ma de heiangi, i hiidinga au e hagadonusia au hainga.

Psalm 119:35

Dagina huu au i de haiava o au hainga, go hiidinga au e malangilangi ai.

Psalm 76:9

de Maadua, i de masavaa aau ne hagamodu ai muna, ma de hagaola gilaadeu alodahi e hagaduasala ina i henua i lalo. Selah

Psalm 73:24

Koe e dagina huu au i au muna bale, gai muli mai gai koe ga hagaulu au i mommee mahamaha.

Psalm 27:11

Tagi Maolunga, agoagona mai au i doo haiava, dagina adu au i de haiava soe, i hiidinga o ogu hagadaumee.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Hebrews 10:20

go de haiava hoou ma de mouli, aana gu hhuge mai laa gi gidaadeu e ulu ai laa lo te malo buibui, e bei go dono angaanga.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Proverbs 8:20

au e seesee i de haiava o de heohi, ma haiava o de hagamodu heohi,

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.