Psalm 25:7 - De Beebaa Dabu

⁷ Koe gi dee manadua ogu haisala ma ogu baubau i de masavaa oogu e dama daane ai. Tagi Maolunga, manadua mai au i doo lodo aloha, i hiidinga koe e danuaa!

Psalm 25:7 Referans Kwoze

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 38:17

Tilo, ne hanu donu haigamaiana de kona dogu hagaduasala i de mee nei. Koe ne aloha i de au ga daohi dogu mouli mai i de mommee o de gau maakau; koe gu huli ange doo dua gi ogu haisala alodahi.

De Beebaa go Job 13:26

Koe e daohi denga mee hai ngadaa e hai baasi mai ai gi de au, ma de dau mai ogu haisala i de masavaa oogu e gauligi ai.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Psalm 51:1

De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Hebrews 8:12

Au e degi ange naa gi olaadeu baubau, aagai au e dee ahe ange naa donu e manadua olaadeu haisala.”

Psalm 109:26

Tagi Maolunga, dogu Maadua, balea mai au; hagaola ina mai au bei dagodo o doo abodonu.

Psalm 79:8

Koe gi dee manadua omaadeu baubau i denga masavaa gu hulo, gi hai baasi mai gi gimaadeu; koe gi hagamoolau gi lodo aloha mai gi gimaadeu, i hiidinga gimaadeu gu duasala mmao.

Psalm 31:16

Koe gi malangilangi i de au doo dangada hai hegau; hagaola ina mai au i doo lodo aloha e deai laa se helui.

Psalm 6:4

Tagi Maolunga, ahe mai hagaola ina dogu mouli; hagaola ina mai au i hiidinga doo lodo aloha e dee helui donu.

De Beebaa go Job 20:11

Ono mmahi i dono masavaa e dama daane ai, e danu naa madali ia i lo te gelegele.

John 5:14

Muli mai gai Iesu ne hedae ange gi taane laa i de temple, ga hai ange gi de ia, “Tilo, koe gu ahe ange ma gu ieiangi! Koe gi dee haisala kana kii ange de baubau mee e hai adu gi de goe.”

John 5:5

Gai e dahi daane i kilaa gu matolu ma valu ono ngadau ne magi ai.

Isaiah 64:9

Tagi Maolunga, koe gi dee lili i gimaadeu; koe gi dee manadua omaadeu baubau ga hano ai. Gimaadeu e dangidangi adu, galo mai gi gimaadeu, gimaadeu alodahi go oo dangada.

Psalm 119:124

Koe gi hai hegau ange gi doo dangada hai hegau bei dagodo o doo abodonu, gai agoagona mai au i au hainga gu hagasauaa!

Psalm 109:16

Go hiidinga ia tee maanadu de hai hegau i de abodonu, gai ne vaivai hai de gau hagaau aloha ma de duasala, aama gilaadeu e daemaha mmao laa.

Psalm 109:14

Tagi Maolunga gi dee ngalo donu baubau o ono maadua, gai gi dee sooloa donu haisala o dono dinana.

Psalm 106:3

E manuuia gilaadeu e hai hegau i de hagamodu muna heohi, ma de hai hegau i de heohi i masavaa alodahi.

Psalm 106:4

Tagi Maolunga, manadua mai huu au i de masavaa aau e abodonu ange ai gi oo dangada, gai balea mai au i dau hagaola gilaadeu;

Isaiah 48:11

Go ogu hiidinga, go ogu hiidinga donu aagu ne hai ai de hegau nei. Dee hee dagu hai e dugu ange ai dahi gi hagangadi mee ina dogu ingoo? Au e dee dugu ange naa donu dogu mahamaha gi dahi dangada gee.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”