Psalm 25:21 - De Beebaa Dabu

²¹ De hai hegau i de mee abodonu ma de heohi gi buibuia ngau, i hiidinga go koe dagu tali hagalodolodo.

Psalm 25:21 Referans Kwoze

Proverbs 11:3

De hai hegau i de mee abodonu e dagi gilaadeu e hai hegau ai, aagai dangada e dee hai hegau laa i de mee abodonu e maakau naa donu i delaadeu hadu muna.

Psalm 41:12

Aagai go koe e balea mai au i hiidinga dogu hai hegau i de mee heohi, koe gu dugu au i mada luoo mada ga hano ai.

Acts 24:16

Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

Psalm 26:11

Aagai au e seesee i de muna abodonu; hagaola ina mai au ma de abodonu mai gi de au.

Psalm 26:1

Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Psalm 7:8

Tagi Maolunga, hagamodu ina muna o denga huaadangada. Tagi Maolunga, hagamodu ina ogu muna gi bei dagodo o dogu heohi, ma teai ogu haisala.

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

1 Samuel 26:23

Tagi Maolunga e sui ange hegau danuaa a tangada i dono hai hegau i de muna abodonu. Tagi Maolunga ne dugu mai goe gi de au anailaa nei, gai au tee lodo e poo adu gi de goe, tangada a Tagi Maolunga gu lava i de hagadabu.