Psalm 25:19 - De Beebaa Dabu

¹⁹ Galo ange diiloo de kona de soa ogu hagadaumee, ma de kona delaadeu kino i de au.

Psalm 25:19 Referans Kwoze

Psalm 57:4

Au e noho i magavaa o denga laiono; au e dagodo i magavaa o denga manu alasala: go dangada e hanu olaadeu niho e bei denga dao nnui aama dao o de mee hholu, olaadeu alelo e kangi bei denga gadilaasa.

Psalm 56:2

De gau hagabaubau dangada e doolohi au mai i taiao ga boo ai; gai e soa dangada e hebagi mai gi de au i delaadeu hagamaolunga.

Psalm 52:2

Doo alelo e tala denga hagatau e daa ai dangada; doo alelo e kangi bei de leesaa, koe se dangada hai hegau hadu muna.

Psalm 38:19

Ogu hagadaumee e mmahi mmao, gai e soa gilaadeu e kino i de au i teai hiidinga.

Luke 23:5

Aagai gilaadeu ga usuusu ange ia, ga hai ange, “Ia e hai gi hagahellumi dangada i Judea alodahi i ana agoago. Ia ne daamada de hai mee nei i Galilee, gai ia gu humai hogi gi kinei.”

Luke 22:2

Aagai de gau haimeedabu maolunga ma de gau sisi ne hagasaele delaadeu hai e daa ai Iesu gi magau; gai gilaadeu e maatagu i dangada.

Psalm 143:3

Dogu hagadaumee e doolohi au, ia gu dagadagahi au gi honga de gelegele; ia gu hai au gi noho i lo te gohu bei dangada gu maakau odiodi laa.

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Psalm 140:4

Tagi Maolunga, buibuia loo au mai i ssauaa o de gau baubau; gai hagaola ina au i de gau alasala e haia hagatau e hagabaguu ai au.

Psalm 140:1

Tagi Maolunga, hagaola ina mai au i de gau baubau; gai buibuia au i de gau alasala,

Psalm 138:7

Gai ga duu ange naa donu au gi de hai ngadaa, gai koe e hagaola dogu mouli; koe e hagaabo doo lima e hai baasi ange gi de lili o ogu hagadaumee, gai doo lima madau e hagaola dogu mouli.

Psalm 86:14

De Maadua, de gau hagamaolunga gu hebagi mai gi de au; dahi hagabuulinga daa dangada e ssala hogi au e daa gi magau, gilaadeu e dee anga adu donu gi de goe.

Psalm 27:12

Koe gi dee dugua ange ogu hagadaumee gi haia mai gi de au olaadeu mee e llodo ai; go hiidinga de gau hadu muna gu hai baasi mai gi de au, gilaadeu gu nnoho e vaivai hai au.

Psalm 27:2

De masavaa o de gau baubau e hebagi mai ai, e daa ai au gi magau, gai ogu hagadaumee ma gilaadeu e kino i de au gu odi i de baakuu ga maakau.

Psalm 18:48

Ia gu hagaola mai au i daho ogu hagadaumee; koe gu hai au gi maolunga ange i gilaadeu e vaivai haia dangada; koe gu hagaola mai au i de gau daa dangada.

Psalm 11:5

Tagi Maolunga e tilo dagodo o dangada heohi, aagai ia e kino i de gau baubau, ma gilaadeu e vaivai haia dangada.

2 Samuel 16:11

Gai David ga hai ange gi Abishai ma denga dagi alodahi, “Tilo, dagu dama donu gu ssala dana hai e daa ai au gi magau. Gai taane de aamuli o Benjamin nei e kii ange naa donu dono lodo e daa au gi magau. Dugua donu huu ia gi daalaa ana muna hagamalaia, i hiidinga go Tagi Maolunga ne hagaagona ia.

Psalm 38:20

Dangada e sui mai agu hegau danuaa i de baubau e hagabaubau au i hiidinga dogu hagammahi e hai tanuaa.