Psalm 25:14 - De Beebaa Dabu

¹⁴ Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Psalm 25:14 Referans Kwoze

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

Deuteronomy 4:13

Gai ia gu tala adu gi goodou dana hagatoo donu hagaheloongoi, go de Madaangahulu Hainga, ga hai adu goodou gi daudali ai, gai ia ne sisi ange hogi i honga e lua duu hadu baabaa.

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

Proverbs 3:32

go hiidinga Tagi Maolunga e kino i tangada vaivai dagodo, aagai ia tala ange ono lodo gi tangada heohi.

Colossians 3:3

I hiidinga goodou gu maakau, gai iainei oodou mouli e doange madali Klisdo i daho de Maadua.

Genesis 17:13

Gai koe diiloo duudia dagaholiage ina dangada ne haanau i doo hale aama dangada aau ne hagao. Gai gi dagodo ai de hagailonga o dagu hagatoo donu hagaheloongoi i oodou atangada alodahi.

Jeremiah 13:18

Hai ange gi de hodooligi ma tinana o de hodooligi: “Gooluu iho mage nnoho i denga nohoanga maolalo, go hiidinga ooluu hau hodooligi mahamaha gu aau gee mai i ooluu biho.”