Psalm 25:12 - De Beebaa Dabu

¹² Goai naa huu tangada e madagu i Tagi Maolunga? Gai ia e agoago ange ia i de haiava oona e hano ai.

Psalm 25:12 Referans Kwoze

Psalm 37:23

Tagi Maolunga e hagatau de haiava o tangada, gai ia e bale ange dangada oona e malangilangi ai;

Psalm 32:8

Au e tala adu naa ma de agoago adu goe i doo haiava e hano ai; au e tala adu naa au mee e hai aama de tilo adu goe.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Psalm 111:10

De madagu i Tagi Maolunga go taamada o de heiangi; dangada alodahi e seesee i ana hainga e tonu danuaa ange. Dono tuhi gi dee helui ga hano ai!

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Proverbs 1:7

De madagu i Tagi Maolunga go taamada o de heiangi; aagai tangada lodo senga e kino i de heiangi ma agoago heohi.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Proverbs 2:5

gai koe e donu ange naa gi dagodo de madagu i Tagi Maolunga, ma de maua de iloo mee o de Maadua.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 11:14

Gai ia ga tala adu ai gi de goe ma dangada i doo hale alodahi doo hai e hagamouli ai.’

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

Genesis 26:2

Gai Tagi Maolunga ne hakide ange gi de ia, ga hai ange, “Aude hano gi Egypt; gai noho i de henua aagu e tala adu koe gi noho ai.

Exodus 4:15

Gai koe basa ange gi de ia, ga tala ange ana muna e tala; gai au ga tala ai agu muna i ooluu ngudu aama de agoago adu gooluu i ooluu mee e hai.

Joshua 3:4

Gai goodou haia de mmao o oodou magavaa ma de ngavesi o de hagatoo donu hagaheloongoi, gi se luamano sugilima, gi iloo ai e goodou de haiava oodou e hulo ai, go hiidinga goodou tigi hulo i de haiava nei i mua. Aagai goodou aude hulo gi hagapaa ange aagena.”

1 Samuel 9:6

Aagai dono dangada hai hegau ga hai ange gi de ia, “Tilo, e dahi daane o de Maadua e noho i de aduhale nei, ia se daane e hagadubu; mee alodahi aana e tala e hai donu ga bei. Gidaau ga hulo gi ono daha; kana adu ia e maua i de tala mai be dee hee taau hai e hulo ai.”

Proverbs 2:9

Gai koe e donu ange naa gi de mee heohi ma de hagamodu heohi, ma de soe, aama haiava danuaa alodahi.