Psalm 25:11 - De Beebaa Dabu

¹¹ Tagi Maolunga, go hiidinga doo ingoo, degi mai gi ogu baubau, gai e lagolago mmao.

Psalm 25:11 Referans Kwoze

Psalm 79:9

Balea mai gimaadeu, de Maadua demaadeu Ia Hagaola, gi hagamahamaha ina ai doo ingoo; hagaola ina gimaadeu ma de degi mai gi omaadeu haisala, i hiidinga doo ingoo.

1 John 2:12

Denga dama, au e sisi adu mee nei gi goodou, i hiidinga de Maadua gu degi adu gi oodou haisala i hiidinga de ingoo o Iesu.

Psalm 31:3

Go koe dogu baba makaga ma dogu mommee buibui makaga; dagina huu au ma de poo dogu lima i hiidinga doo ingoo.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Romans 5:15

Aagai e dee dagodo daudahi de mee ngadi gaavange ma de haisala. Noo ne soa dangada ne maakau i hiidinga haisala o dahi dangada, gai e kii ange donu de soa dangada e gaavee de abodonu o de Maadua ma de ngadi gaavange o de abodonu i hiidinga o dahi dangada, go Iesu Klisdo.

Ezekiel 36:22

Deenei ai, hai ange gi dangada o Israel, ‘E hagadaba de Ia Aamua go Iahweh: Dangada o Israel, e dee go oodou hiidinga donu aagu e hai ai hegau nei, aagai go hiidinga o dogu ingoo dabu, go de ingoo oodou ne hagangadi mee i daho denga huaahenua oodou ne hulo ga nnoho ai.

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

Isaiah 48:9

Au ne daohi dogu bole i hiidinga o dogu ingoo; au ne daohi dogu lili i de goe, gi duuhia ai au, gi dee hagalilo ina ai e au goe.

Psalm 109:21

Aagai koe, Tagi Maolunga, dogu Ia Aamua, abodonu mai gi de au, i hiidinga o doo ingoo; gai hagaola ina mai au i hiidinga doo abodonu.

Psalm 143:11

Tagi Maolunga, hagaola ina dogu mouli i hiidinga o doo ingoo; hagaola ina dogu mouli mai i ogu hai ngadaa, i hiidinga koe e heohi.

Exodus 34:7

gai ia e dee helui naa donu dono abodonu ange gi dangada i denga atangada soa, ma de degi ange gi olaadeu baubau, ma olaadeu lodo dee heohi aama haisala. Aagai ia e dee degi ange naa donu gi alaadeu hegau baubau; ia e hagaduasala naa denga dama aama mogobuna i hiidinga baubau o olaadeu maadua, ga dae ai loo gi tolu ma de haa atangada.”

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.