Psalm 25:10 - De Beebaa Dabu

¹⁰ Haiava alodahi o Tagi Maolunga iai de aloha ma de hai hegau i de mee abodonu, gai ni mee ange gi gilaadeu e daohia dana hagatoo donu hagaheloongoi.

Psalm 25:10 Referans Kwoze

James 5:11

Tilo, gidaadeu e hagataba bolo gilaadeu ne manuuia i delaadeu llodo mmahi. Goodou gu langona hogi dagodo de lodo mmahi o Job, gai goodou ne gidee hogi dagodo de hagatau a Tagi Maolunga; ia e lodo aloha ma de degi.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Psalm 40:11

Tagi Maolunga, koe gi dee gaavee gee doo lodo aloha i de au, gai doo abodonu ma doo heohi go dogu buibui i masavaa alodahi.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Psalm 91:14

⌊E hagadaba de Maadua,⌋ “Go hiidinga ia e aloha i de au, au e hagaola naa ia; Au e buibui naa ia, i hiidinga ia e iloo ogu dagodo.

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Psalm 89:14

Tagelo o doo nohoanga hodooligi go de heohi ma de hagamodu muna heohi; gai koe e hai hegau i de abodonu.

Psalm 85:10

De aloha ma de hai hegau i de muna abodonu gu hedae ange; gai de heohi ma de baba gu hagadau oso.

Psalm 57:3

Ia e basa mai i de langi ga hagaola mai au, ia e hagadogaa tangada e hagamaolunga i de au. Selah De Maadua e hagaago mai dono abodonu ma dono hai hegau i de muna abodonu.

Psalm 50:23

Tangada e haia de hagaahe mai de abodonu go dana sigidaumaha e hagadubu au, gai au e hagaago ange gi tangada e seesee i de heohi de hagaola a de Maadua.”

Psalm 33:4

Go hiidinga muna a Tagi Maolunga e heohi gai ni muna abodonu, gai ia e hai hegau i de mee abodonu i ana hegau alodahi.

2 Samuel 15:20

Koe se goodo humai donu huu anaahi, gai au e dee lodo e kave goe gi silivaahea saele madali gimaadeu, go hiidinga au e dee iloo donu be go hee oogu ga hano nei aagena. Ahe mage gaavee oo dangada madali goe; gai Tagi Maolunga gi abodonu adu aama de hai hegau adu gi de goe i de muna abodonu.”

Genesis 24:27

ga hagadaba, “Duuhia Tagi Maolunga, go de Maadua o dogu dangada aamua go Abraham. Ia tee ngalo donu dono abodonu, ma de hai hegau i de mee abodonu ange gi dogu dangada aamua. Tagi Maolunga gu dagi mai donu au gi de hale o dangada o dogu dangada aamua.”

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Genesis 5:24

Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Psalm 138:7

Gai ga duu ange naa donu au gi de hai ngadaa, gai koe e hagaola dogu mouli; koe e hagaabo doo lima e hai baasi ange gi de lili o ogu hagadaumee, gai doo lima madau e hagaola dogu mouli.