Psalm 22:30 - De Beebaa Dabu

³⁰ Denga hagadiilinga i muli mai e daumaha ange naa gi de ia; dagodo o de Ia Aamua laa e tala ange naa gi denga atangada e loomai.

Psalm 22:30 Referans Kwoze

Hebrews 2:13

Ia e hagadaba hogi, “Au e hagadonusia ia.” Gai e hagadaba ange hogi, “Tilo, deenei au madali dama a de Maadua gu gaamai gi de au.”

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Psalm 102:28

Dama a oo dangada hai hegau e nnoho paba naa, gai olaadeu aamuli e dee llilo naa donu mai i mada luoo mada.”

Psalm 87:6

Tagi Maolunga e sisi ma de daohi ingoo o dangada: “Tangada nei ne haanau i Zion.” Selah

Psalm 73:15

Noo au e basa bee nei, gai tilo, au gu hagangadi mee de atangada o au dama.

Psalm 24:6

Aanei dagodo o de atangada o dangada e saalaa ia, go gilaadeu e saalaa luu mada o de Maadua o Jacob. Selah

Psalm 14:5

Aagai gilaadeu e maatagu mmao, go hiidinga Tagi Maolunga e madali gilaadeu e heohi.