Psalm 21:11 - De Beebaa Dabu

¹¹ Noo gilaadeu e hagatau e hai baasi adu gi de goe ma de hai denga maanadu de vaivai daakodo, gai alaadeu hagatau e dee ssula donu.

Psalm 21:11 Referans Kwoze

Psalm 10:2

Tangada lodo maolunga e doolohi tangada hagaau aloha; haia gi aahe ange alaadeu hegau baubau gi gilaadeu.

Psalm 2:1

Gu aha gu hagabuni ai denga huaahenua e hai hanu ngadi hagatau, gai dangada gu hagasaele de hai dahi hegau dee haigamaiana?

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Psalm 31:13

Au e langona dangada soa e hagadau musumusu i de au; de mee hagamaatagu gu dagodo i mommee alodahi; gilaadeu gu buni e hai baasi mai gi de au ma de hai dahi hagatau e daa ai au gi magau.

Matthew 2:8

Gai ia ga hai gilaadeu gi hulo gi Bethlehem, ga hai ange, “Goodou hulo hagaduu ngae saalaa tamaa gauligi, gai ga gidee naa huu e goodou ia, gai goodou hagailoo ina mai, gai au ga hanadu hogi e daumaha ange gi de ia.”

Psalm 83:4

Gilaadeu e hagataba, “Loomai, gidaadeu ga daa gi odi de huaahenua laa; gai gi dee manadua ai de ingoo o Israel.”

Psalm 35:20

Gilaadeu e dee pasa e hagaheloongoi magavaa o dangada, gai e hai baasi ange gi dangada e nnoho danuaa laa donu huu i honga de henua.

Matthew 21:46

Gai gilaadeu ne hagatale de poo ia, aagai gilaadeu ne maatagu i dangada soa, go hiidinga dangada e hagataba bolo Iesu se pelaabisi.

Ezekiel 11:2

Gai Tagi Maolunga ne hai mai gi de au, “Tama a tangada, aanei denga daane ne haia dahi hagatau baubau ma de gaavange denga hagasaele baubau gi dangada i de aduhale nei.

Psalm 109:13

Dono aamuli gi odi i de maakau; gai sooloa gi deai olaadeu ingoo mai i de atangada i olaadeu dua.