Psalm 2:2 - De Beebaa Dabu

² Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Psalm 2:2 Referans Kwoze

Matthew 26:59

Gai de gau haimeedabu maolunga ma de hagabuulinga hagasaele alodahi, ne ssala hanu dangada hagadonu hadu muna gi hagabaubau ina Iesu, gi maua ai e gilaadeu i de daa ia gi magau.

Matthew 27:1

Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

Psalm 74:23

Koe gi dee hagadee anga ange gi muna lagolago a oo hagadaumee, ma de hagalongaa o dangada e kino i de goe i masavaa alodahi.

Psalm 48:4

Tilo, denga hodooligi gu hagabuni, gilaadeu gu buni ma e loomai ai alodahi.

Psalm 2:10

Deenei ai, denga hodooligi, goodou gi heiangi, dagi o henua i lalo, goodou gi kana ange.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Psalm 89:20

Au gu gidee David, dogu dangada hai hegau; ma gu hagasulu ia i de lolo dabu;

Psalm 74:18

Tagi Maolunga, manadua de doo mee o de hagadaumee i de goe, ma de hagangadi mee a de gau llodo ssenga doo ingoo.

Exodus 16:7

Gai taiao daiao goodou e gidee naa de mahamaha o Tagi Maolunga, i hiidinga ia gu langona doodou nnanu i de ia. Gai e dee go gimaau donu oodou e nnanu ange naa aagena.”

Hebrews 1:9

Koe e lodo i de heohi gai e kino i de baubau. Deenei ai, de Maadua, doo Maadua gu hai goe gi maolunga ange i oo soa ange laa, i dana hagasulu goe i de lolo o de malangilangi.”

John 15:23

Tangada e kino i de au, e kino hogi i dogu Damana.

Luke 13:31

De masavaa laa gai denga Pharisee ne loomai ga hai ange gi de ia, “Hano gee mai i kinei, go hiidinga Herod e lodo e daa goe gi magau.”

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Psalm 110:5

De Ia Aamua e duu i doo baasi madau; ia e hagadee kii naa denga hodooligi i de laangi o dono lili.

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

Matthew 26:3

Gai de gau haimeedabu maolunga ma denga dagi ne hagabuni i de hale o tangada haimeedabu maolunga go Caiaphas

Psalm 48:5

De masavaa alaadeu ne gidee ai de aduhale laa, gai gilaadeu gu llele mouli; gilaadeu ne saavini ga hulo i delaadeu maatagu.

Psalm 83:6

de gau Edom ma dangada o Ishmael, ma de gau Moab, aama dangada o Hagar,