Psalm 2:12 - De Beebaa Dabu

¹² Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 2:12 Referans Kwoze

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Psalm 84:12

Tagi o denga hagabuulinga hebagi, e manuuia tangada e hagadonusia goe!

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

Jeremiah 17:7

Gai e manuuia tangada e hagadonusia Tagi Maolunga, gai go Tagi Maolunga dana tali hagalodolodo.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Proverbs 16:20

Tangada e daohia laa mee oona gu agoago ai e hagadagadaga age donu, gai tangada e hagadonusia Tagi Maolunga e manuuia.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

Ephesians 1:12

gai gidaadeu ne haia laa Klisdo go taadeu tali hagalodolodo i taamada ga tuhi ai dono mahamaha.

1 Kings 19:18

Aagai au gu hagaola e hidumano dangada i Israel; go gilaadeu alodahi tigi ino e daumaha ange gi Baal, aabe e oso ia.”

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Psalm 2:5

Gai ia e hagasee naa gilaadeu i dono lili, ma de hagamaatagu gilaadeu i dono bole, ga hai ange,

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

1 Samuel 10:1

Gai Samuel ne kave dahi manu lolo ga llingi ange gi honga de biho o Saul ma de oso ia, ga hai ange, “E aha, e dee go Tagi Maolunga ne hagadabu ina goe i de lolo gi dagina ono dangada, go de gau Israel? [Gai koe ga dagi ai dangada o Tagi Maolunga ma de hagaola gilaadeu mai i olaadeu hagadaumee i luu baasi delaadeu henua. Gai deenei de hagailonga adu gi de goe, bolo Tagi Maolunga gu hagadabu goe i de lolo gi dagina dangada o dono boolonga.]

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Romans 10:11

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

Genesis 41:40

Iainei gai go koe tagi o dogu hale, gai be se aha naa huu aau e tala ange gi dangada, gai ogu dangada e hai donu gi bei. Gai go dogu nohoanga donu huu e maolunga ange i doo duulanga.”

Psalm 31:20

Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Psalm 34:9

Goodou ono dangada dabu gi maatagu i Tagi Maolunga, i hiidinga gilaadeu e maatagu i de ia e dee duasala donu.

Psalm 109:20

Gai gi deenei de hagaoanga a Tagi Maolunga e gaavange gi gilaadeu e hagabaubau ina ogu dagodo, ma gilaadeu e pasa baubau i de au.

Zephaniah 2:2

i mua de dae mai o de masavaa gu hagasauaa laa, i mua de laangi o denga gili grain e ilihia laa ga gaavee, i mua de dae mai gi goodou de lili laumalie o Tagi Maolunga, i mua de dae mai gi goodou de laangi o de bole o Tagi Maolunga.