Psalm 18:49 - De Beebaa Dabu

⁴⁹ Deenei ai, Tagi Maolunga, au e tuhi goe i magavaa o denga huaahenua; au e daahili ma de tuhi doo ingoo.

Psalm 18:49 Referans Kwoze

Romans 15:9

gai denga Gentile ga hagamahamaha ai de Maadua i hiidinga dono abodonu, bei de hai gu sisi ai laa, “Deenei ai, au e tuhi goe i magavaa o denga Gentile, au e daahili ma de tuhi doo ingoo.”

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Matthew 26:30

Gai ga lava huu i delaadeu hua dahi daahili, gai gilaadeu ga ssao ga hulo gi de Mounga o denga Olive.

Psalm 138:4

Tagi Maolunga, denga hodooligi alodahi o henua i lalo gi hagaahe adu de abodonu gi de goe, i delaadeu langona au muna,

Psalm 108:3

Tagi Maolunga, au e hagaahe adu de abodonu i magavaa o denga huaadangada; au e daahili ga tuhi goe i magavaa o denga huaahenua.

Psalm 108:1

De Maadua, ogu lodo e dee sui donu. Au e daahili ma de tuhi goe!

Psalm 30:12

gai au ga tuhi ai goe i taahili, gu dee hagapuni dogu ngudu. Tagi Maolunga dogu Maadua, au e hagaahe adu de abodonu gi de goe ga hano ai.

Psalm 14:7

Mee naa gi humai de hagaola o Israel i Zion! De masavaa a Tagi Maolunga e hagaahe ange ai de manuuia o ono dangada, gai Jacob gi malangilangi, Israel gi lodo danuaa!

Psalm 57:9

Dogu Ia Aamua, au e hagaahe adu de abodonu i magavaa o denga huaadangada; au e daahili ga tuhi goe i magavaa o denga huaahenua.