Psalm 18:27 - De Beebaa Dabu

²⁷ Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Psalm 18:27 Referans Kwoze

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

2 Samuel 22:28

Koe e hagaola gilaadeu e llodo maolalo, aagai koe e hagamaolalo gilaadeu e llodo maolunga.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

Psalm 9:18

Aagai ⌊de Maadua⌋ e dee ngalo donu gilaadeu e duasala i masavaa alodahi; gai de tali hagalodolodo a de gau hagaau aloha e dee lilo donu ga hano ai.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Psalm 40:17

Gai ogu dagodo, au se dangada hagaau aloha ma de duasala; gai de Ia Aamua gi manadua mai au. Go koe dogu bale aama dogu Ia Hagaola; dogu Maadua, koe gi dee hagammule mai!

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Psalm 34:6

Tangada hagaaloha nei ne dangi, gai Tagi Maolunga gu langona dana dangi, ga hagaola ia mai i ono hai ngadaa alodahi.

Psalm 17:13

Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.

Psalm 17:10

Gilaadeu e hagamakaga olaadeu lodo, gai gilaadeu e pasa hagamaolunga.

Psalm 10:4

Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.