Psalm 16:11 - De Beebaa Dabu

¹¹ Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Psalm 16:11 Referans Kwoze

Acts 2:28

Koe gu hagaago mai gi de au de haiava o de mouli, gai koe e hagamalangilangi au i doo noho madali au.’

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Matthew 7:14

Aagai e mada damaa mee de haitoga ma de gasogaso de haiava e hano gi de mouli, gai e sogoisi donu huu e gidee.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

Matthew 5:8

E manuuia gilaadeu e gilimalali olaadeu lodo; go gilaadeu e gidee de Maadua!

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

1 Corinthians 13:12

Iainei gai adaadeu mee e gidee e dee masalaba, bei dagodo o mee i lo te galaasa dilodilo; gai de masavaa laa naa huu, gai gidaadeu gu gidee danuaa donu. Iainei gai dagu iloo e dee honu; aagai de masavaa laa naa huu, gai gu honu danuaa dagu iloo, bei de hai a de Maadua e iloo ai laa ogu dagodo alodahi.

Proverbs 12:28

De haiava heohi go de mouli donu, gai e deai donu se magau i lo te haiava nei.

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Matthew 25:33

gai ia e dugu naa denga ssiibi i dono baasi maadau, aagai denga guudi i dono baasi masui.

Psalm 139:24

Diiloo be e hanu hegau baubau i ogu daha, ma de dagi au i de haiava e deai sono hagaodi.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

Proverbs 2:19

e deai donu se daane e hano gi ono daha e ahe mai aabe e maua de haiava o de mouli.

Proverbs 5:6

Ia e dee maanadu donu dagodo o de haiava o de mouli; ono haiava e pigo, aagai ia e dee iloo donu.

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”

Psalm 4:8

Au e dagodo iho ga seni i de baba; go hiidinga go koe donu huu Tagi Maolunga, e maua i de hai au gi noho baba.

Psalm 68:4

Daahili ange gi de Maadua, daahili duuhia dono ingoo; daahili ange gi de ia e gage laa i honga denga giliiga — dono ingoo go Iahweh — gai gi malangilangi i ono mada i mua.