Psalm 147:19 - De Beebaa Dabu

¹⁹ Ia ne tala ange ana muna gi Jacob, ana muna gu hagasauaa aama ana hagamodu ange gi Israel.

Psalm 147:19 Referans Kwoze

Malachi 4:4

Goodou manadua de hainga a dogu dangada hai hegau go Moses, ma muna gu hagasauaa aama agu hagamodu ne gaavange gi de ia i Horeb gi daalaa ange gi Israel alodahi.

Psalm 78:5

Ia ne hagasauaa ana muna ange gi dangada o Jacob, ma de hagatuu denga hainga i Israel, go muna aana gu tala ange gi odaadeu dubuna madagidagi, gilaadeu gi agoagona ange ai alaadeu dama,

Deuteronomy 5:31

Gai koe duu i ogu gaogao i kinei, gai au ga tala adu gi de goe agu muna alodahi, ma agu hainga gu hagasauaa, ma agu mee gu hagamodu, gai koe ga agoago ange ai gilaadeu. Gai gilaadeu gi daohia mee nei i delaadeu hulo ga nnoho i de henua aagu e gaavange gi gilaadeu.”

Deuteronomy 5:22

Aanei muna a Tagi Maolunga ne tala ange gi de hagabuulingaa dangada i gaogao de mounga, i de masavaa oona ne basa mai ai i lo te ahi ula i de leo mmahi, ma lo te hagausinga ma de gohu boo dangodango, gai teai ange ana muna ne hagapuni ange. Gai ia ne sisi ange muna nei gi honga e lua duu hadu baabaa ga gaamai ai gi de au.

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Psalm 103:7

Ia ne hagaago gi Moses dagodo o ono haiava, gai ne hagaago ange gi de gau Israel dagodo o ana hegau.

Psalm 76:1

De henua o Judah e iloo de Maadua, dono ingoo e maolunga i Israel.

Deuteronomy 4:45

Gai aanei muna ma hainga gu hagasauaa ma hagamodu a Moses ne gaavange gi de gau Israel, i dua delaadeu ssao mai i Egypt,

Deuteronomy 4:8

Gai e deai ange hogi se huaahenua, e hanu alaadeu hainga gu hagasauaa ma hagamodu heohi, bei de hainga alodahi aagu gu gaavadu gi goodou anailaa nei.

Deuteronomy 6:1

Aanei muna, ma hainga gu hagasauaa, aama hagamodu a Tagi Maolunga doodou Maadua ne gaamai, au gi agoago ina adu ai goodou; gai goodou ga daohi ai mee nei, i doodou tae gi de henua oodou ga hulo naa e kave i de baasi laa o Jordan,

Ezra 7:6

deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.

Ezekiel 20:11

Au ne gaavange gi gilaadeu agu muna gu hagasauaa ma de hai gi iloo e gilaadeu agu hainga, go mee e mouli ai tangada noo ia e daudali ai.

Hosea 8:12

Au ne sisi ange gi gilaadeu mee lagolago i dagodo agu hainga, aagai gilaadeu ne hai hainga nei bei ni mee gee.