Psalm 147:13 - De Beebaa Dabu

¹³ Ia gu hai gi makaga baalanga hagamakaga o denga haitoga, ma de hagamanuuia oo dangada e nnoho i kilaa.

Psalm 147:13 Referans Kwoze

Psalm 144:12

Gai amaadeu dama daane gi bei dagodo o denga manu e ssomo danuaa laa, gai amaadeu damaa hine gi bei dagodo o denga duludulu gu daadaa laa e hagaduu ai de hale o de hodooligi.

Psalm 125:2

Tagi Maolunga e duuli ono dangada, mai iainei ga hano ai, bei de duuli a denga mounga luu baasi o Jerusalem.

Nehemiah 12:30

Gai de gau haimeedabu ma de hagadiilinga o Levi ga hagagilimalali gilaadeu i mua, gai gilaadeu ga hagagilimalali hogi dangada, ma denga haitoga, ma de buibui.

Nehemiah 7:1

Gai de masavaa huu ne lava ai de buibui, gai au gu hagabigibigi ange ono abaaba ma de hili ange dangada e hagaloosia denga haitoga, ma de gau daahili, aama denga daane de aamuli o Levi.

Lamentations 4:12

Denga hodooligi o henua i lalo tee hagadonusia, dangada e nnoho i henua i lalo tee hagadonusia hogi, bolo denga hagadaumee ma dangada e kino i Jerusalem e maua i de ulu i ono haitoga.

Psalm 51:18

Koe gi malangilangi i de hai ange tanuaa gi Zion; hagaduulia age de buibui o Jerusalem;

Nehemiah 7:3

Gai au ne hai ange gi gilaau, “Gooluu e dee hhuge denga haitoga o Jerusalem ga dae ai gi de masavaa e hagavvela ai de laa. Gai de masavaa o de gau hagaloosi goi hai hegau ai, gai gilaadeu gi bonodia denga abaaba ma gi hagamakaga ina. Gai hilia hogi de gau hagaloosi mai i dangada e nnoho laa donu i Jerusalem, dahi ma dahi gi duu gi hagaloosia gaogao dono hale donu.”

Nehemiah 6:1

Gai ga langona huu e Sanballat, ma Tobiah, ma Geshem taane Arab, aama omaadeu hagadaumee ange laa, bolo gu hagaahe age de buibui, gai gu deai donu mommee e masaavava, (gai tagodo donu, tigi ai donu abaaba o denga haitoga o de aduhale,)

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Jeremiah 33:10

Gai e hagadaba Tagi Maolunga: Goodou e hagataba i dagodo o de mommee nei, ‘Se mommee e ngadi dagodo, gai e deai dangada ma manu dolodolo iai.’ E heohi, aduhale o Judah ma haiava o Jerusalem e ngadi daakodo, ma teai dangada aabe ni manu dolodolo iai. Aagai e aahe ange naa ga langona

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.