Psalm 147:12 - De Beebaa Dabu

¹² Jerusalem, hagaamua ina Tagi Maolunga; Zion, duuhia doo Maadua.

Psalm 147:12 Referans Kwoze

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Joel 2:23

Dangada o Zion, goodou llodo danuaa, ma de malangilangi i Tagi Maolunga doodou Maadua, go hiidinga ia gu gaavadu gi goodou de langi pala, i malama hagaodi o de ngadau i hiidinga dono heohi. Ia ne hai gi pala iho de langi laumalie, i de hagaodi ma taamada o de ngadau, bei denga masavaa gu hulo.

Isaiah 52:7

Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Psalm 149:2

De gau Israel gi malangilangi i de ia ne haia gilaadeu; dangada o Zion gi lodo danuaa i delaadeu Hodooligi.

Psalm 146:10

Tagi Maolunga e hodooligi ga hano ai; Zion, doo Maadua e hodooligi i denga atangada alodahi. Duuhia Tagi Maolunga!