Psalm 146:7 - De Beebaa Dabu

⁷ Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 146:7 Referans Kwoze

Psalm 103:6

Tagi Maolunga e hai hegau i de heohi ma de hagamodu muna o dangada alodahi e vaivai haia.

Psalm 68:6

De Maadua e gaavange gi tangada hagaaloha dahi huaabodu, ma de hagassao mai dangada i de hale pono ga hagailaage gilaadeu; gai de gau makaga olaadeu lodo e nnoho naa i de henua e deai vai iai.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Psalm 10:18

Go koe e hagamodu ina dagodo o denga gauligi e deai olaadeu damana ma de gau e vaivai haia, gai gi dee hagamadagu ina ai e tangada baubau gilaadeu.

Psalm 142:7

Hagasao ina mai au i lo te hale pono nei, gai au ga hagaahe adu de abodonu gi de goe. Gai gilaadeu e heohi e hagabuni mai naa gi ogu daha, i hiidinga o doo abodonu mai gi de au.

Acts 16:26

De masavaa laa donu huu gai gu ngalungalue de henua, gai de hale pono laa alodahi gu ngalungalue; ono abaaba alodahi gu maahuge, gai denga daula baalanga e noonooa ai laa dangada gu maatala.

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

Luke 9:17

Gai dangada alodahi ne gaimee ga boobosu. Gai ana dangada agoago ga hagabudu mee ne doe ga hhao ai e madaangahulu ma lua gede.

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Jeremiah 31:14

Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Psalm 136:25

Mee alodahi e mouli, go ia e gaavange alaadeu gai, Dono abodonu e dagodo ga hano ai.

Psalm 72:4

Gai ia gi balea ange gilaadeu e hagaau aloha, ma de hagaola denga gauligi e duasala, aagai gi hagaduasala ina gilaadeu e vaivai haia dangada.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Psalm 35:10

Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Psalm 68:7

De Maadua, de masavaa naa huu oou e hano ai i mada i mua o oo dangada, de masavaa oou ne dagi ai gilaadeu i de vao, Selah