Psalm 144:14 - De Beebaa Dabu

¹⁴ amaadeu kaau gi lagolago alaadeu dama, gai gi deai alaadeu dama e ssege aabe gi dee haanau; gai gi deai dangada e duasala i lodo omaadeu haiava.

Psalm 144:14 Referans Kwoze

Deuteronomy 28:7

Gai Tagi Maolunga e dugu adu naa goe, gi hagadee kii ina denga hagadaumee e hebagi adu gi de goe. Gilaadeu e hagabuni naa ga loomai i dahi haiava, aagai e saavini naa ga hulo gee i e hidu haiava.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Jeremiah 14:2

“Judah e hinangalosaa; ono aduhale gu baageaa; ono dangada gu nnoho i honga de gelegele ma e tangi ai, gai gu kona de tangi o dangada i Jerusalem.

Isaiah 24:11

Dangada e hagabuni i honga denga haiava ma e tangi i teai uvaini; de malangilangi alodahi gu sui ma gu se lodo baubau, gai de lodo danuaa alodahi gu dee maleva i henua i lalo.

1 Samuel 31:7

Gai de masavaa huu o de gau Israel e nnoho laa i de baasi gee o de geelonga, ma gilaadeu i de baasi laa o Jordan ne gidee ai bolo denga daane hebagi o Israel gu saavini ma gu hulo, gai a Saul ma ana dama daane gu maakau, gai gilaadeu ga tili olaadeu aduhale ga saavini ga hulo. Gai de gau Philistia ga loomai ga nnoho ai.

Judges 6:6

Gai de gau Israel gu hagaau aloha mmao i de hai a de gau Midian; gai gilaadeu ga tangi ange gi Tagi Maolunga gi balea ange gilaadeu.

Judges 6:3

Gai de masavaa naa huu a de gau Israel e doo ai alaadeu veelenga, gai de gau Midian ma de gau Amalek, aama dangada i baasi i dua ga loomai ga hebagi ange gi gilaadeu.

Judges 5:8

De masavaa ne hili ange ai denga maadua hoou, gai de hebagi gu dae mai gi de henua. Gu deai mee hungihungi be se dao e gidee i daho e haasemada daane hebagi o Israel.

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

Leviticus 26:6

Gai au e hai naa gi nnoho paba dangada i honga de henua, gai goodou e sseni danuaa naa, gu deai mee e hagamaatagu ina goodou. Gai au e aau gee naa denga manu alasala mai i honga de henua, gai e deai naa donu hogi hebagi e hai i doodou henua.

De Beebaa go Job 39:11

E aha, koe e maua i de hagadonu de kaau aada, i hiidinga de kona dono mmahi, ma de dugu ange ia gi haia au hegau?

Isaiah 65:19

Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.