Psalm 143:10 - De Beebaa Dabu

¹⁰ Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

Psalm 143:10 Referans Kwoze

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Psalm 23:3

Ia e hagammahi dogu hagasaalunga. Ia e dagi au i de haiava o de heohi, i hiidinga o dono ingoo.

Psalm 119:12

Tagi Maolunga, au e hagadegi goe; agoago ina mai au i au hainga gu hagasauaa!

Nehemiah 9:20

Gai koe ne gaavange doo Hagasaalunga danuaa ga agoago ange ai gilaadeu, koe tee kave gee au manna e haangai ange ai laa gilaadeu, ma de gaavange gi gilaadeu alaadeu vai e unu ai.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Psalm 140:6

Au e hai ange gi Tagi Maolunga, “Go koe donu dogu Maadua.” Tagi Maolunga, hagalaangona agu dangidangi!

Psalm 31:14

Aagai au e gai adu gi de goe, e Tagi Maolunga, au e hagadaba, “Go koe donu dogu Maadua.”

Romans 8:26

Gai e bei ai hogi de Hagasaalunga ⌊Dabu⌋, ia e bale mai gidaadeu i taadeu baageaa; go hiidinga gidaadeu e dee iloo de mee e heohi taadeu dalodalo ai, aagai go de Hagasaalunga e dalodalo i gidaadeu i taemaha e dee maua laa i de tala.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Psalm 119:35

Dagina huu au i de haiava o au hainga, go hiidinga au e malangilangi ai.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Isaiah 63:14

Gai de Hagasaalunga o Tagi Maolunga ne hai gilaadeu gi hagammabu, e bei denga manu haangai e loiho laa gi lo te geelonga. Deenei dau hai ne dagi ai oo dangada, gai koe ga hagamahamaha ai doo ingoo.

Psalm 25:12

Goai naa huu tangada e madagu i Tagi Maolunga? Gai ia e agoago ange ia i de haiava oona e hano ai.

Ephesians 5:9

(go hiidinga hua o de maalama go mee danuaa alodahi ma de heohi aama de mee abodonu),

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Psalm 139:24

Diiloo be e hanu hegau baubau i ogu daha, ma de dagi au i de haiava e deai sono hagaodi.

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

Romans 15:30

Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga,

Psalm 118:28

Go koe donu dogu Maadua, au e hagaahe adu de abodonu gi de goe; go koe dogu Maadua, au e hagaamua goe.

Psalm 22:1

Dogu Maadua, dogu Maadua, gu aha gu tili ai naa goe au? Gu aha gu kona ai naa doo mmao gee ma dau dee hagaola dogu mouli, i dogu masavaa e mmae ai?

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Numbers 9:22

Gai e dee hilihili be e lua laangi, be se dahi malama, aabe se ngadau e duu ai de hagausinga laa i honga de tabernacle, gai de gau Israel e nnoho donu huu i de mommee nnoho gaainga, gilaadeu e dee ngaalue donu; aagai ga ngalue naa huu de hagausinga, gai dangada ga daga ga hulo.

Psalm 27:11

Tagi Maolunga, agoagona mai au i doo haiava, dagina adu au i de haiava soe, i hiidinga o ogu hagadaumee.