Psalm 143:1 - De Beebaa Dabu

¹ Tagi Maolunga, hagalaangona dagu dalodalo; hulia mai hagalaangona dagu dangidangi i doo abodonu; humai balea mai au, i hiidinga koe e hai hegau i de muna abodonu ma de heohi.

Psalm 143:1 Referans Kwoze

Psalm 71:2

Hagaola ina mai au ma de hagamouli au i hiidinga koe e heohi; huli mai doo dalinga ma de hagaola mai au.

Psalm 140:6

Au e hai ange gi Tagi Maolunga, “Go koe donu dogu Maadua.” Tagi Maolunga, hagalaangona agu dangidangi!

Psalm 31:1

Tagi Maolunga, go koe dogu buibui; koe gi dee hagadogaa ina loo au; gai hagaola ina hogi au i doo heohi!

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

Daniel 9:16

De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

2 Samuel 7:25

Deelaa ai, Tagi Maolunga de Maadua, hagassula ina au muna gu tala i dagodo o doo dangada hai hegau aama dono huaabodu, gai haia gi bei au muna gu tala.

Psalm 17:1

Tagi Maolunga, hagalaangona dogu heohi, hagasula ina dagu dangidangi! Hagalaangona dagu dalodalo — se dangidangi e dee hai i de hagasenga!