Psalm 140:6 - De Beebaa Dabu

⁶ Au e hai ange gi Tagi Maolunga, “Go koe donu dogu Maadua.” Tagi Maolunga, hagalaangona agu dangidangi!

Psalm 140:6 Referans Kwoze

Psalm 31:14

Aagai au e gai adu gi de goe, e Tagi Maolunga, au e hagadaba, “Go koe donu dogu Maadua.”

Psalm 16:2

Au e hai ange gi Tagi Maolunga, “Go koe donu dogu Ia Aamua; e deai sagu mee danuaa daudahi noo e deai goe.”

Psalm 142:5

Tagi Maolunga, au e dangi adu gi de goe; au e hai adu, “Go koe donu dogu buibui, ma dogu duuhanga i dogu mouli nei.”

Psalm 119:57

Go Tagi Maolunga dogu duuhanga; au gu hagatoo donu bolo au e daohi au muna.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Lamentations 3:24

Au e hagadaba, “Go Tagi Maolunga dogu duuhanga; deenei ai, go ia dagu tali.”

Psalm 143:1

Tagi Maolunga, hagalaangona dagu dalodalo; hulia mai hagalaangona dagu dangidangi i doo abodonu; humai balea mai au, i hiidinga koe e hai hegau i de muna abodonu ma de heohi.

Psalm 130:2

Dogu Ia Aamua, hagalaangona dogu leo. Anga mai hagalaangona dogu dangidangi adu koe gi abodonu mai.

Psalm 116:1

Au e aloha i Tagi Maolunga, i hiidinga ia ne hagallongo dogu leo, ma dogu dangidangi i de abodonu.

Psalm 91:2

e maua i de hai ange gi Tagi Maolunga, “Go koe dogu buibui ma dogu hale hagaloosi makaga, ma dogu Maadua, au e hagadonusia goe.”

Psalm 64:1

De Maadua, hagalangona agu muna i dogu nanu; buibuia dogu mouli i mee a dogu hagadaumee e hagamadagu ai au.

Psalm 57:7

De Maadua, ogu lodo e dee sui donu, ogu lodo e dee sui donu; au e daahili ma de tuhi goe!

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Jeremiah 18:22

Haia gi langona delaadeu oo ga tangi i lodo olaadeu hale, i de moolau de tae mai o de gau hebagi ga hebagi ange gi gilaadeu, go hiidinga gilaadeu gu geli dahi geelinga moogu, ma de dugu ssele e dada ai luoogu vae.