Psalm 140:13 - De Beebaa Dabu

¹³ Ni muna abodonu, gilaadeu e heohi e tuhi naa doo ingoo; gilaadeu e nnoho naa i mada luoo mada.

Psalm 140:13 Referans Kwoze

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Psalm 11:7

Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.

1 Thessalonians 4:17

Aagai gidaadeu goi mouli laa e gaavage naa madali gilaadeu i lo te giliiga, ga hedae ange ai gi Tagi Maolunga i lo te langi i lunga, gai gidaadeu ga nnoho ai i daho Tagi Maolunga ga hano ai.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

John 14:3

Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

Psalm 97:12

Goodou e heohi gi malangilangi i Tagi Maolunga, gai duuhia dono ingoo dabu.

Psalm 73:24

Koe e dagina huu au i au muna bale, gai muli mai gai koe ga hagaulu au i mommee mahamaha.

Psalm 32:11

Goodou alodahi e heohi, lodo danuaa ma de malangilangi i Tagi Maolunga! Goodou alodahi e heohi oodou lodo, hevaalogi i de malangilangi!

Psalm 23:6

Ni muna abodonu, tanuaa ma de abodonu e daudali mai naa donu huu i de au i taulooloa dogu mouli, gai au ga noho ai i de hale o Tagi Maolunga ga hano ai.

De Beebaa go Job 36:6

Ia e dee dugu ange tangada baubau gi mouli, aagai e dugu ange gilaadeu e vaivai haia gi maua olaadeu heohi.

Psalm 35:10

Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Proverbs 22:23

i hiidinga Tagi Maolunga e bale ange naa donu gilaadeu, ma de hai gi hai ngadaa mouli o dangada e gaiaadia alaadeu mee.