Psalm 139:18 - De Beebaa Dabu

¹⁸ Noo au e dau gilaadeu, gai gilaadeu e lagolago ange i denga gelegele dea. De masavaa oogu e alahage ai, gai au goi madali huu goe.

Psalm 139:18 Referans Kwoze

Psalm 3:5

Au ne dagodo ga seni, gai au ne alahage ange hogi, i hiidinga Tagi Maolunga ne hagaloosi au.

Psalm 139:3

Koe gu gidee danuaa dogu seesee saele aama dogu dagodo iho, gai koe e donu danuaa ange donu gi ogu dagodo alodahi.

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

1 Thessalonians 5:10

Ia ne magau i odaadeu hiidinga, gai e dee hilihili be gidaadeu e mouli aabe e maakau, gai gidaadeu alodahi e nnoho madali ia.

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

Psalm 40:6

Koe e dee lodo i sigidaumaha ma mee ngadi gaavange, gai koe gu hhuge luoogu dalinga. Koe tee hai au gi haia ssigidaumaha dudu ma ssigidaumaha o haisala.