Psalm 137:7 - De Beebaa Dabu

⁷ Tagi Maolunga, manadua mee a de gau Edom ne hai, i de laangi o Jerusalem ne oohaa ai. Gilaadeu ne hagataba, “Oohaa ina, oohaa iho donu gi sula age tagelo!”

Psalm 137:7 Referans Kwoze

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.

Ezekiel 35:2

“Tama a tangada, huli ange gi de mounga go Seir, ma gi basa pelaabisi hai baasi ange aagena,

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Psalm 74:18

Tagi Maolunga, manadua de doo mee o de hagadaumee i de goe, ma de hagangadi mee a de gau llodo ssenga doo ingoo.

1 Samuel 15:2

E hagadaba Tagi o denga hagabuulinga hebagi, ‘Au e hagaduasala naa de gau Amalek i hiidinga gilaadeu ne hai baasi ange gi de gau Israel i de masavaa olaadeu ne loomai ai i Egypt.

Exodus 17:14

Gai Tagi Maolunga ga hai ange gi Moses, “Siia mage daohia mee nei i lo te beebaa e hagamaanadu ange ai gi dangada ma de dau ange gi langona e Joshua, go hiidinga au e hai naa de gau Amalek gi odi i teai, gai gi deai dangada e manadua gilaadeu.”

Nehemiah 6:14

Dogu Maadua, koe gi hagamaanadu i hegau baubau a Tobiah ma Sanballat ne hai, ma Noadiah, de hine pelaabisi, aama denga pelaabisi alodahi ne llodo laa e hagamadagu au.

Ezekiel 35:15

Go hiidinga koe ne malangilangi i de masavaa ne ngadi dagodo ai de henua o Israel, au e hai naa hogi goe gi bei ono dagodo. De mounga o Seir, go koe ma de henua alodahi o Edom e hai naa gi se mommee e ngadi dagodo. Gai gi iloo ai e gilaadeu bolo go au donu go Iahweh.”