Psalm 137:1 - De Beebaa Dabu

¹ Gimaadeu ne nnoho i gaogao denga saalingaa vai i Babylon ga tangi ai, i de masavaa amaadeu ne manadua ai Zion.

Psalm 137:1 Referans Kwoze

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Ezekiel 3:15

Gai au ne hano gi daho dangada ne hagadee kii ina laa ma e nnoho i Tel Abib i gaogao ssaalingaa vai go Kebar, go de mommee olaadeu e nnoho ai. Gai au ne noho i olaadeu daha i kilaa i e hidu laangi, gai au ne lele ogu mouli.

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Ezekiel 1:3

gai Tagi Maolunga ne hagaago ange ana muna gi tangada haimeedabu go Ezekiel, tama daane a Buzi, i gaogao ssaalingaa vai go Kebar, i de henua o de gau Babylon, gai ssauaa o Tagi Maolunga gu hano iho gi ono elunga.

Lamentations 3:48

Ogu loimada gu ssali bei dagodo o denga vai ssali, i hiidinga de daia ga maakau o ogu dangada.

Lamentations 2:18

Dangada e tangi ange gi de Ia Aamua i olaadeu lodo. De buibui o tamaa hine o Zion, oo loimada gu bei de vai e sali laa i de laangi ma de boo; koe e dee hagammabu donu, gai oo loimada e dee tuu donu.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Jeremiah 15:17

Au tee noho madali de gau doo mee, aabe ne malangilangi madali gilaadeu; au ne noho sogosogo, go hiidinga doo lima ne daohi au, gai koe gu hai gi kona dogu lili.

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Nehemiah 2:3

aagai au ne hai ange gi de hodooligi, “Gi daulooloa de mouli o de hodooligi! Gai gu aha gu dee lodo baubau ai au, gai de aduhale iai daanunga o ogu dubuna madagidagi e maoha ma e dagodo ai, ono haitoga gu dudu ma gu maoha?”

Ezra 8:31

Gai gimaadeu ne hulo gee mai i ssaalingaa vai go Ahava i de madaangahulu ma lua laangi o tahi malama, ga hulo gi Jerusalem; gai de lima sauaa o demaadeu Maadua i omaadeu elunga, ma de hagaola gimaadeu mai i omaadeu hagadaumee, aama gilaadeu e nnoho laa e hebagi mai gi gimaadeu i honga de haiava.

Ezra 8:21

Gai au ne hagailoo bolo ga hai dahi masavaa o de hagahiikai i gaogao ssaalingaa vai go Ahava, gai gimaadeu ga hagamaolalo ai gimaadeu i mada luu mada o demaadeu Maadua, ga dangidangi ange ia gi dagina gimaadeu, ma amaadeu gauligi aama omaadeu goloa alodahi.

Revelation 11:3

Gai au e hai naa gi hulo luoogu dangada tala hagadonu gi pasa pelaabisi i e 1,260 laangi, gai gilaau e kahu naa i malo daladala.”

Daniel 9:3

Gai au ne hagammahi ga dalodalo ange gi de Ia Aamua go de Maadua; au ne dangidangi ma de dalodalo, ga hagahiigai ma de gahu i malo daladala aama de hulu i lehu.

Lamentations 3:51

Agu mee e gidee gu hai ma gu daemaha ogu lodo i hiidinga o denga haahine alodahi i dogu aduhale.

Isaiah 66:10

Malangilangi madali Jerusalem, ma de lodo danuaa i ono hiidinga, goodou alodahi e aaloha i de aduhale laa; goodou gi malangilangi mmao madali Jerusalem, goodou alodahi e hinangalosaa i ono hiidinga.

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Jeremiah 13:4

“Gaavee de mee nnoa ungaalodo aau ne hagao naa ma gu nnoa ai doo ungaalodo, gai koe ga kave gi ssaalingaa vai go Euphrates, ga hagammuni ai i magavaa o denga hadu.”

Jeremiah 51:13

Goodou e nnoho i gaogao denga vai lagolago, gai ni dangada lava, gu dae mai doodou laangi e maakau ai, gai oodou mouli e modu naa bei taula.