Psalm 136:23 - De Beebaa Dabu

²³ Ia ne manadua mai gidaadeu i de masavaa odaadeu ne hagangadi mee ina ai, Dono abodonu e dagodo ga hano ai.

Psalm 136:23 Referans Kwoze

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Luke 1:48

go hiidinga ia gu gidee dagodo de maolalo o dono hahine hai hegau! Tilo, dua iainei gai denga atangada alodahi e hagataba naa bolo au se hine manuuia.

Psalm 142:6

Hagalaangona dagu dangidangi, go hiidinga au gu duasala mmao. Hagaola ina mai au i gilaadeu e dolohia mai au, go hiidinga gilaadeu e mmahi ange i de au.

Psalm 116:6

Tagi Maolunga e buibui gilaadeu e hagaaloha; de masavaa oogu ne duasala ai, gai ia ne hagamouli au.

Psalm 113:7

Ia e hai gi hiihidi age de gau hagaau aloha mai i lodo gelegele, gai e hai gi tuu age gilaadeu e duasala mai i lodo lehu;

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Luke 1:52

Ia gu aau gee gilaadeu e mmahi mai i olaadeu duulanga maolunga, aagai gu hagaamua gilaadeu e maolalo.

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

Genesis 8:1

Gai de Maadua gu manadua e ia a Noah ma denga manu lodo henua, ma manu haangai alodahi e nnoho madali ia i lo te vaga hale. Gai de Maadua ga hai gu ssau mai de madangi mmahi gi honga de henua gi hagaahea ai tai.