Psalm 135:4 - De Beebaa Dabu

⁴ Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Psalm 135:4 Referans Kwoze

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Deuteronomy 10:15

Aagai Tagi Maolunga ne aloha i oodou dubuna madagidagi, ga hili goodou, olaadeu hagadiilinga, i magavaa o denga huaahenua alodahi, bei doodou hai gu gidee ai naa anailaa nei.

Malachi 3:17

“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

Psalm 105:6

De aamuli o Abraham, dono dangada hai hegau, de hagadiilinga o Jacob, go dangada aana gu hili!

Psalm 33:12

E manuuia de huaahenua go Tagi Maolunga delaadeu Maadua, ma dangada aana gu hili go ono dangada!

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Deuteronomy 26:18

Gai Tagi Maolunga gu tala hogi anailaa nei bolo goodou se huaadangada hagamogomogo niiona, bei dana hai gu hagatoo donu adu ai gi goodou. Gai goodou gi daohia ana muna alodahi,

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.