Psalm 132:5 - De Beebaa Dabu

⁵ ga dae ai gi dagu gidee dahi mommee moo Tagi Maolunga, se mommee e noho ai de Ia Mmahi o Jacob.”

Psalm 132:5 Referans Kwoze

Ephesians 2:22

Gai go ono daha oodou ne hagatuu age ai alodahi, e hai ai de mommee o de Maadua e noho ai i de Hagasaalunga.

2 Chronicles 2:6

Aagai goai e maua i de hagaduu dahi hale e noho ai ia, go hiidinga de langi maolunga e dee dohu dono noho ai? Gai au e dee bau ange donu gi de hagaduu dahi hale e noho ai ia, aagai au e hagaduu donu huu dahi mommee e hai ai denga sigidaumaha i mada luoono mada.

1 Chronicles 22:7

Gai David ne hai ange gi Solomon, “Dagu dama, au ne lodo e hagaduu dahi hale e hagadubu ai de ingoo o Tagi Maolunga, dogu Maadua.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

1 Chronicles 15:12

ga hai ange gi gilaadeu, “Go goodou denga dagi o denga huaabodu i de aamuli o Levi; deenei ai, goodou ma oodou dangada gi hagagilimalali ina goodou, gi maua ai e goodou i de hulo e gaamai de ngavesi a Tagi Maolunga, de Maadua o Israel, e dugu i de mommee aagu gu hagadabena.

1 Chronicles 15:3

Gai David ga hagabuni mai de gau Israel alodahi gi Jerusalem, gai gilaadeu ga hulo ai e gaamai de ngavesi a Tagi Maolunga gi de mommee aana gu hagadabena laa.

1 Kings 8:27

Aagai e maua donu e de Maadua i de noho i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

2 Samuel 6:17

Gai gilaadeu ne gaamai de ngavesi a Tagi Maolunga ga dugu i honga de mommee gu hagadabena laa, i lo te hale malo a David gu hagaduu laa. Gai David ga hai denga sigidaumaha dudu ma sigidaumaha hagadanuaa magavaa i mada luu mada o Tagi Maolunga.

2 Samuel 7:1

Gai ga noho huu de hodooligi i dono hale, gai Tagi Maolunga gu hai gi noho baba ia, gu deai hagadaumee i luu baasi dono henua,

1 Kings 8:17

Dogu damana go David ne lodo e hagaduu dahi hale e hagadubu ai de ingoo o Tagi Maolunga, de Maadua o Israel.

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.