Psalm 132:16 - De Beebaa Dabu

¹⁶ Au e hakahu naa ono dangada haimeedabu i de hagaola, gai ono dangada dabu e daahili naa i delaadeu malangilangi.

Psalm 132:16 Referans Kwoze

2 Chronicles 6:41

Tagi Maolunga de Maadua, koe gi ulu i doo mommee e hagamabu ai, go koe ma de ngavesi iai doo sauaa. Tagi Maolunga de Maadua, oo dangada haimeedabu gi kahu i de hagaola, gai oo dangada dabu gi malangilangi i hiidinga koe e danuaa.

Psalm 132:9

Oo dangada haimeedabu gi kahu i de heohi; gai oo dangada dabu gi daahili i delaadeu malangilangi.

John 16:24

Goodou tigi dangidangi donu i dahi mee i dogu ingoo ga dae mai ai gi iainei. Dangidangi, gi maua ai oodou mee, gai gi honu abodonu ai doodou malangilangi.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Galatians 3:27

Go hiidinga goodou alodahi gu babudaisi i lodo o Klisdo, e bei gu kahu i Klisdo.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Hosea 11:12

Ephraim gu duuli au i denga muna hhadu, de gau Israel gu daahanga mai au; gai a Judah goi hai baasi ange huu gi de Maadua, de Ia Dabu e hai hegau laa i de mee abodonu.

Psalm 140:4

Tagi Maolunga, buibuia loo au mai i ssauaa o de gau baubau; gai hagaola ina au i de gau alasala e haia hagatau e hagabaguu ai au.