Psalm 132:15 - De Beebaa Dabu

¹⁵ Au e hagamanuuia naa de mommee nei i tau gai laumalie; Au e hai naa gi boobosu de gau hagaau aloha i kilaa.

Psalm 132:15 Referans Kwoze

Psalm 147:14

Ia gu hai gi nnoho paba dangada i honga de henua, gai gu hagaboobosu goodou i denga grain danuaa hugadoo.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Jeremiah 31:14

Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.

Isaiah 33:16

deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

Psalm 37:19

Gilaadeu e dee dookaa i masavaa hai ngadaa, gai gilaadeu e boobosu i de masavaa o de onge.

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

Exodus 23:25

Gai goodou gi daumaha mai gi de au, Tagi Maolunga doodou Maadua. Gai au ga hagamanuuia ai oodou gai ma vai unu, aama de kave gee denga hagadaagangaa magi alodahi mai i oodou magavaa,