Psalm 132:13 - De Beebaa Dabu

¹³ Go hiidinga Tagi Maolunga gu hili Zion; ia ne lodo danuaa i de hai ai dono mommee e noho ai:

Psalm 132:13 Referans Kwoze

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Psalm 87:2

Tagi Maolunga e malangilangi ange i de aduhale go Zion i denga mommee alodahi e nnoho ai dangada o Jacob.

Psalm 68:16

Denga mounga kangi ulu, gu aha gu llodo gaiaa ange ai goodou gi de mounga a de Maadua gu hili e noho ai e dagi, gai go de mommee o Tagi Maolunga e noho ga hano ai?

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

1 Kings 11:13

Aagai au e dee kave naa de nohoanga hodooligi alodahi, au e dugu ange dau dama gi hodooligi i dahi aamuli, i hiidinga o dogu dangada hai hegau go David, ma hiidinga o de aduhale go Jerusalem, go de mommee aagu gu lava laa i de hilihili.”

2 Chronicles 7:16

Au gu hili ma de vvae gee de temple nei gi dagodo ai dogu ingoo ga hano ai. Gai luoogu mada ma ogu lodo i kilaa i masavaa alodahi.

Ezra 1:3

Gai be goai naa huu i oodou magavaa e lodo e hano gi Jerusalem i Judah — dono Maadua gi madali ia, gai ia ga hanage gi Jerusalem i Judah, ga hagaduu age ai de hale o Tagi Maolunga, de Maadua o Israel, go de Maadua e noho laa i Jerusalem.

Psalm 9:12

Go hiidinga de ia e suuia ange de baubau e manadua; ia e dee ngalo donu de tangi o dangada gu vaivai haia.