Psalm 131:1 - De Beebaa Dabu

¹ Tagi Maolunga, au e dee lodo maolunga, gai luoogu mada e dee llodo gi lunga; au e dee hagasaele de hai hanu hegau nnui, aabe ni mee e dee maua e au i de hai.

Psalm 131:1 Referans Kwoze

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Psalm 139:6

De iloo mee nei e gona odi de hagalele mouli mai gi de au; gai e gona odi de maolunga, au e dee maua gi donu ange aagena.

De Beebaa go Job 42:3

Koe ne ssili mai, ‘Goai e buibuia nei agu hagasaele, gai e deai donu sono mee e iloo?’ Ni muna abodonu, au ne basa i mee oogu e dee donu ange aagena, gai ni mee maolunga niiagu e dee iloo.

Jeremiah 45:5

E aha, koe e hagammahi naa e ssala gi maua e goe hanu mee lagolago? Aude saalaa mee naa. Tilo, au e hai naa gi humai de hai ngadaa gi honga o denga huaadangada alodahi, go Tagi Maolunga e hagadaba; gai au e hagaola naa doo mouli, go de hagaoanga aau e mau i de hebagi i mommee alodahi oou e hano aagena.’ ”

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Psalm 124:1

Israel gi hagataba: Noo Tagi Maolunga tee bale mai gimaadeu,

Psalm 122:1

Au ne malangilangi i delaadeu hai mai gi de au, “Gidaadeu ga hulo gi de hale o Tagi Maolunga.”

Numbers 12:3

(Gai Moses se daane daudonu mmao, ia e daudonu ange i dangada alodahi i henua i lalo.)

Matthew 11:29

Hagauda ina dagu mee hagauda, ma de agoago i ogu daha, go hiidinga au e daudonu ma de lodo maolalo; gai goodou ga maua de hagammabu oodou hagasaalunga.

Psalm 133:1

Tilo, se mee danuaa ma de mahamaha de nnoho hagabuni o denga hai daina!

1 Samuel 18:23

Gai de gau hai hegau o Saul ne tala ange muna laa gi David. Gai ia ga hai ange, “E dee se mee hai ngaohie de hai gi se saulaba niio de hodooligi, go hiidinga au se daane hagaau aloha ma tee dau.”

1 Samuel 16:22

Gai a Saul ne aalu ga hai ange gi Jesse, “Au e dangidangi adu koe gi dugua David gi noho gi hai hegau i ogu daha, go hiidinga au e malangilangi i de ia.”

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”

1 Samuel 16:13

Gai Samuel ne poo mai de lolo ga hagasulu ai David i madamada o ono daina daane. Mai i de laangi laa, gai de Hagasaalunga o Tagi Maolunga gu hano iho gi ono elunga i de mmahi. Gai Samuel ga ahe ai loo gi Ramah.

Deuteronomy 17:20

gi dee hagamaolunga ai ia i dangada o dono henua, ga dee daudali i denga hainga. Gai gi maua ai e ia ma dono aamuli i de hodooligi i de nohoanga hodooligi o Israel i de masavaa daulooloa.

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

Acts 20:19

gai au ne hai hegau ange gi Tagi Maolunga i de lodo maolalo ma de dangi aama de hagauda denga mee hai ngadaa a de gau Ssuu ne hai mai gi de au.

Jeremiah 17:16

Au tee savini donu ga hano gee i hegau a tangada hagaloosi; koe e iloo bolo au tee lodo hogi gi humai de laangi hai ngadaa. Koe e iloo agu muna gu tala gai e daakodo donu i mada luoo mada.

1 Samuel 17:15

aagai David e aheahe mai i daho Saul ma e haangai denga ssiibi ma guudi a dono damana i Bethlehem.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

2 Samuel 6:22

Gai au e hai naa donu gi kii ange dau hagangadi mee au. Aagai denga haahine hai hegau oou e tala mai ai naa, e hagadubu naa donu au.”

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.