Psalm 130:7 - De Beebaa Dabu

⁷ Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

Psalm 130:7 Referans Kwoze

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 131:3

Israel, koe gi tali hagalodolodo ange gi Tagi Maolunga, mai iainei ga hano ai e dee ngado mai.

Romans 8:24

Gidaadeu ne kave de tali hagalodolodo nei i de masavaa odaadeu ne hagamouli ai. Gai de tali hagalodolodo e gidee laa e dee se tali hagalodolodo abodonu. Gai goai e tali hagalodolodo ange laa gi mee aana gu lava laa i de gidee?

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Psalm 71:5

Dogu Ia Aamua go Iahweh, go koe dagu tali hagalodolodo; au ne hagadonusia goe mai i dogu gauligi.

Hebrews 10:35

Deenei ai, goodou gi dee dilia doodou lodo mmahi; go hiidinga goodou e kave naa donu oodou hagaoanga.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Psalm 131:1

Tagi Maolunga, au e dee lodo maolunga, gai luoogu mada e dee llodo gi lunga; au e dee hagasaele de hai hanu hegau nnui, aabe ni mee e dee maua e au i de hai.

Psalm 130:4

Aagai koe e degi ange gi haisala o dangada, gai gi maatagu ai gilaadeu i de goe.

Luke 14:22

Tangada hai hegau laa ne ahe mai ange ga hai ange, ‘Tangada aamua, au gu hai mee alodahi aau ne hai mai au gi haia, aagai tigi honu de mommee o taonga.’