Psalm 130:5 - De Beebaa Dabu

⁵ Au e tali ange Tagi Maolunga, dogu hagasaalunga e tali, gai au e tali hagalodolodo ange gi ana muna;

Psalm 130:5 Referans Kwoze

Psalm 33:20

Demaadeu tali hagalodolodo go Tagi Maolunga; go ia demaadeu bale aama demaadeu mee hungihungi.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Psalm 119:81

Au e lodo mmao i dau hagaola, aagai dagu tali hagalodolodo go au muna.

Psalm 62:5

Dogu hagasaalunga, go de Maadua donu huu aagu e tali, gai go ia dagu tali hagalodolodo.

Psalm 62:1

Go de Maadua donu huu aagu e tali ange; gai go ia donu e hagaola ina mai au.

Psalm 40:1

Au ne golomagi ogu lodo ga tali ai Tagi Maolunga; gai ia ne hagabaa mai ga hagallongo dagu dangi.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Psalm 119:74

Gilaadeu e maatagu i de goe e malangilangi naa i delaadeu gidee au, i hiidinga dagu tali hagalodolodo go au muna.

Psalm 119:114

Go koe dogu mommee e mmuni ai, gai go dagu mee hungihungi; dagu tali hagalodolodo go au muna.

Genesis 49:18

Tagi Maolunga, au e tali dau hagaola.

Psalm 119:49

Manadua au muna ange gi doo dangada hai hegau, go muna ne hai ai gi dahi agu tali hagalodolodo.

Isaiah 26:8

Tagi Maolunga, de masavaa omaadeu e daudali ai i au muna gu hagamodu, gai go koe donu demaadeu tali. Gai demaadeu mee e llodo mmao ai go de hagadeledele danuaa o doo ingoo.

Psalm 119:42

gi maua ai e au i de basa ange gi gilaadeu e hagadogaa ina ngau, i hiidinga au e hagadonusia au muna.

Hebrews 6:18

gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

Luke 2:25

Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.