Psalm 129:5 - De Beebaa Dabu

⁵ Dangada alodahi e kino i Zion gi hagadookaa ina ma de hagadee kii ina!

Psalm 129:5 Referans Kwoze

Isaiah 37:35

Gai au e buibui naa donu ma de hagaola de aduhale nei, i hiidinga o dogu ingoo ma hiidinga o dogu dangada hai hegau go David.”

Psalm 71:13

Haia gi dookaa ma de llilo gilaadeu e hai baasi mai gi de au; haia gi hagangadi mee ina ma teai selaadeu hagadubu.

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Micah 4:11

Aagai iainei denga huaahenua soa gu hagabuni e hebagi adu gi de goe. Gilaadeu e hagataba, “Gidaadeu ga hai gi dee gilimalali de aduhale, gidaadeu ga tuhi gidaadeu i de maoha o Zion!”

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Esther 6:13

Gai ia ga tala ange gi dono bodu go Zeresh, ma ono soa mee alodahi gu hai ange laa gi de ia. Gai ono daane heiangi ma Zeresh ga hai ange gi de ia, “Go hiidinga Mordecai, taane ne haia naa goe ga daamada de doo gi lalo, se dangada Ssuu, koe e dee maua donu i de hai baasi ange gi de ia, aagai koe e dee maua naa donu gi kii i de ia.”

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Psalm 122:6

Dalodalo gi dagodo de noho baba i Jerusalem: “Dangada e aaloha i de goe gi nnoho paba.

Esther 9:5

Gai de gau Ssuu ne daa ga maakau olaadeu hagadaumee alodahi i de gadilaasa; gilaadeu ne oha ma de daa ga maakau dangada e kino i gilaadeu, aama de hai be ni aha alaadeu ne llodo e hai ange gi olaadeu hagadaumee.

Nehemiah 6:16

Gai ga langona huu e omaadeu hagadaumee alodahi mee nei, gai denga huaahenua alodahi i luoomaadeu baasi gu maatagu, ma de dookaa; gilaadeu gu tonu iho bolo de hegau nei gu sula, i hiidinga de bale a demaadeu Maadua.

Psalm 40:15

Gai haia gi dookaa ma de ssenga ange gilaadeu e hai mai gi de au, “Gu vakaa loo! Gu vakaa loo!”

Isaiah 29:8

bei tangada saalohia e midi ange laa bolo ia e noho ma e gaimee, aagai ga alahage huu ia, gai ia goi saalohia donu huu; aabe go tangada hieunu e midi laa bolo ia e noho ma e unu; aagai ia e hieunu dono huu i dono alahage, tigi helui donu dono hieunu. Gai e bei ai hogi dagodo o hagabuulinga soa o denga huaahenua alodahi e hebagi ange laa gi de mounga go Zion.