Psalm 126:2 - De Beebaa Dabu

² Gai gimaadeu ne kada i demaadeu malangilangi, ma de hevaalogi ga malangilangi; gai dangada i denga huaahenua ne hagataba, “Tagi Maolunga gu hai dahi hegau hagalele mouli ange gi gilaadeu.”

Psalm 126:2 Referans Kwoze

De Beebaa go Job 8:21

Ia e ahe ange naa ga hai goe gi gadagada, gai koe e oo naa i doo malangilangi.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Psalm 71:19

De Maadua, doo heohi e hano ga dae gi lo te langi, go koe donu huu e haia denga hegau nnui, de Maadua, e deai ange donu e bei oo dagodo.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Psalm 53:6

Mee naa gi humai de hagaola o Israel i Zion! De masavaa a de Maadua e hagaahe ange ai de manuuia o ono dangada, gai Jacob gi malangilangi, Israel gi lodo danuaa!

Nehemiah 6:16

Gai ga langona huu e omaadeu hagadaumee alodahi mee nei, gai denga huaahenua alodahi i luoomaadeu baasi gu maatagu, ma de dookaa; gilaadeu gu tonu iho bolo de hegau nei gu sula, i hiidinga de bale a demaadeu Maadua.

Romans 11:15

Gai noo delaadeu tili ne hai ga maua i de hagadanuaa magavaa o de Maadua ma henua i lalo, gai dee hee maa ai naa noo gilaadeu gu hagaahe mai, e dee go de mouli mai i de magau?

Psalm 51:14

De Maadua, hagaola ina mai au i de magau; de Maadua go koe dogu hagaola, gai au e daahili naa ga tuhi dagodo o doo heohi.

Psalm 14:7

Mee naa gi humai de hagaola o Israel i Zion! De masavaa a Tagi Maolunga e hagaahe ange ai de manuuia o ono dangada, gai Jacob gi malangilangi, Israel gi lodo danuaa!

Ezra 3:11

Gai gilaadeu ne daahili ga tuhi ga hagaahe ange de abodonu gi Tagi Maolunga, “Ia e danuaa; dono abodonu ange gi Israel e dee helui donu ga hano ai.” Gai dangada alodahi ga hevaalogi i de leo mmahi ga tuhi ma de hagaahe ange de abodonu gi Tagi Maolunga, go hiidinga tagelo o de hale o Tagi Maolunga gu lava i de hagadagodo.

Numbers 23:23

E deai donu se huuhuaa mee e maua i de hai baasi ange gi Jacob, e deai donu mee e dee iloo e hai baasi ange ai gi Israel. Gai e tala naa dagodo o Jacob ma Israel: ‘Diiloo mee hagalele mouli a de Maadua gu hai!’

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Jeremiah 31:7

E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Ezekiel 36:36

Gai denga huaahenua e doe i oodou gaogao, e iloo naa bolo go au donu go Iahweh, go au ne hagatuulia age ange mommee gu lava laa i de oha, ma de aahe ange ga doo mommee gu ngadi dagodo laa. Go au donu go Iahweh ne hagadaba, gai au e hagasula naa donu de mee nei.’