Psalm 125:5 - De Beebaa Dabu

⁵ Aagai gilaadeu e haia hegau dee heohi, Tagi Maolunga e alualu naa gilaadeu gi hulo madali dangada e haia de baubau. De baba gi dagodo i Israel!

Psalm 125:5 Referans Kwoze

Isaiah 59:8

Gilaadeu e dee tonu ange gi dagodo o de nnoho baba, gilaadeu e dee hai hegau donu i de heohi. Gilaadeu gu hai olaadeu haiava gi pigo; gai dangada e seesee i lodo haiava nei e dee tonu ange gi dagodo o de noho baba.

Proverbs 2:15

gai olaadeu haiava e pigo, gai gilaadeu e hai hegau i de hagasenga.

Psalm 128:6

Koe gi mouli ga dae ai gi dau gidee dama a au dama. De baba gi dagodo i Israel!

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

Galatians 6:16

De baba ma de abodonu gi dagodo i daho dangada e hai hegau i mee nei, ma daho dangada o de Maadua go de gau Israel.

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Matthew 7:23

Aagai au e hai ange naa gi gilaadeu, ‘Au e dee iloo donu goodou. Goodou hulo gee mai i ogu daha, goodou ni dangada e haia de baubau!’

Psalm 101:3

Au e dee dugu naa donu dahi mee hakino gee i mada luoogu mada. Au e kino i hegau a dangada e daahuli gee i de goe; au e dee daudali ange donu i alaadeu dahulinga.

Philippians 2:15

gi dee haisala ai goodou, gai gi gilimalali bei dagodo dama a de Maadua e heohi abodonu laa, i doodou nnoho i magavaa o de atangada baubau ma de hai alaadeu hai, gai goodou gi ni mee e hagamaalama ina dangada, bei dagodo o denga heduu e hagamaalama ina laa lo te langi i lunga,

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Hebrews 10:38

aagai dogu dangada heohi e mouli donu i de gai. Gai noo ia e ahe dua, gai au e dee malangilangi i de ia.”

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

Hosea 2:18

De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.

Ezekiel 37:26

Au e hai naa dahi hagatoo donu hagaheloongoi o de nnoho paba madali gilaadeu, gai se hagatoo donu hagaheloongoi ange gi gilaadeu ga hano ai e dee ngado mai. Au e hai naa gilaadeu gi nnoho i de henua ma de hai gi soa gilaadeu, gai au e hagaduu naa dogu mommee dabu i olaadeu daha ga hano ai.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Proverbs 14:14

Tangada e huli gee laa i de mee heohi e kave naa donu de hagaoanga o ana hegau, gai tangada danuaa e kave naa hogi de hagaoanga o ana hegau.

Psalm 94:4

Gilaadeu e pasa hagamaolunga, dangada alodahi e haia de baubau e pasa hagamaolunga.

Psalm 92:7

gai ga ssomo age naa donu de gau baubau bei denga helii, gai alodahi e haia de baubau e hagadagadaga age, gai gilaadeu e daa naa ga maakau ga hano ai.

De Beebaa go Job 23:11

Au e kana ange donu e daudali ange i ono duulangaa dabuvae; gai au e seesee i dono haiava tee hano gee ai.

2 Samuel 22:22

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Psalm 92:8

Aagai koe, Tagi Maolunga, e hagaamua naa ga hano ai.

Psalm 92:10

Gai koe gu hai au gi mmahi bei de manu aada; koe gu hagasulu au i de lolo hoou.

Proverbs 21:16

Tangada e dee maanetonu laa, e dau naa madali de hagabuulinga o de gau maakau.

Luke 11:25

Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa.