Psalm 123:4 - De Beebaa Dabu

⁴ Gu daulooloa mmao demaadeu hagadookaa ina i daho de gau hagamaolunga, ma de hagangadi mee ina i daho de gau lodo maolunga.

Psalm 123:4 Referans Kwoze

Psalm 119:51

De gau hagamaolunga e hakadanga i de au, aagai au e dee hano gee donu i au hainga.

De Beebaa go Job 12:5

Tangada duadonu e hagangadi mee gilaadeu e dee duadonu, ma de hagangadi mee tangada gu dai baguu.

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

1 Corinthians 4:13

de masavaa omaadeu e hagabaubau ina ai, gai gimaadeu e dangidangi i de lodo maolalo. Gimaadeu gu bei dagodo o mee e kino ai dangada, gai gu bei dagodo o denga gainga i henua i lalo, ga dae mai ai gi de masavaa nei.

Acts 26:24

Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Jeremiah 48:29

Gimaadeu gu langona de hagamaolunga o Moab: ia gu kona donu dono hagamaolunga, ia e lodo maolunga, ma de hagasoenga, ma de lodo gi lunga.

Jeremiah 48:11

Moab ne noho baba mai i dono gauligi, bei dagodo o denga uvaini e dee hagangalungalue laa, tigi llingi ange gi dahi ssaa gee — ia tigi gaavee hogi gi dahi henua gee. Ia goi mami danuaa donu huu, gai dono nnamu tigi dagodo gee donu.

Isaiah 32:11

Goodou denga haahine duadonu e bolebole naa; goodou denga damaa hine nnoho paba e maatagu naa! Goodou e hagaui oodou malo, gai ga nnoa oodou ungaalodo i malo daladala.

Isaiah 32:9

Goodou denga haahine e duadonu laa, hiihidi age hagalaangona agu muna; goodou denga haahine e nnoho paba laa, nnoho mai hagalaangona agu muna!

De Beebaa go Job 16:4

Au e maua hogi i de basa bei goodou, noo goodou e bei ogu dagodo; gai au e maua hogi i de basa ga hai baasi adu gi goodou, ma de geugeu adu dogu biho gi goodou.

Nehemiah 2:19

Aagai ga langona huu e Sanballat, taane Horon, ma taane hai hegau go Tobiah, taane Ammon, aama Geshem, taane Arab, gai gilaadeu ga hakadanga ma de hagangadi mee gimaadeu ga hagataba, “Ni aha oodou ga hai naa? Goodou ga hai baasi ange naa gi de hodooligi?”

Acts 17:21

(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)

Jeremiah 48:27

E aha, koe tee hakadanga laa i Israel? E aha, ia ne gidee mai laa i magavaa o de gau gaiaa, gai koe ga hagammae manava ai ia i de masavaa aau e basa ai i de ia?

1 Samuel 17:42

Gai de masavaa huu a taane Philistia laa ne gidee ai David, gai ia ne hagangadi mee ia, go hiidinga ia se gauligi donu huu, e mada mmea dono angaanga ma de mahamaha.