Psalm 119:90 - De Beebaa Dabu

⁹⁰ Doo hai hegau i de muna abodonu e dohu ange gi denga atangada alodahi; koe ne hagaduu henua i lalo, gai gu duu ga makaga.

Psalm 119:90 Referans Kwoze

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Psalm 148:6

Ia ne hai gi daakodo mee nei ga hano ai e dee ngado mai; ia gu hagasauaa dahi mee, gai e dee maua naa donu i de sui.

Psalm 93:1

Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

Psalm 36:5

Tagi Maolunga, doo aloha e hano loo ga dae gi de langi, doo hai hegau i de mee abodonu e dae age gi denga giliiga.

Psalm 89:11

Niiou de langi, gai niiou hogi henua i lalo; gai henua i lalo ma mee alodahi iai go koe ne haia.

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Ecclesiastes 1:4

Dahi atangada e humai, gai dahi atangada gu hano, aagai henua i lalo e dagodo ga hano ai.

Psalm 104:5

Koe ne hagaduu henua i lalo i honga ono dagelo, gai e dee maua naa donu i de hagangalue.