Psalm 119:9 - De Beebaa Dabu

⁹ Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

Psalm 119:9 Referans Kwoze

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Joshua 1:7

Gai koe gi lodo mmahi ma de lo taane. Gai kana ange haia gi bei hainga alodahi, a dogu dangada hai hegau go Moses gu tala adu gi de goe; aude huli gee mai ai gi hano gi de madau aabe go de masui, gi hagadagadaga age ai goe i mommee alodahi oou e hano aagena.

Psalm 25:7

Koe gi dee manadua ogu haisala ma ogu baubau i de masavaa oogu e dama daane ai. Tagi Maolunga, manadua mai au i doo lodo aloha, i hiidinga koe e danuaa!

Psalm 119:11

Au e doange au muna i ogu lodo, gi dee haisala adu ai au gi de goe.

Proverbs 1:10

Dagu dama, noo de gau baubau e usuusu adu goe gi haia de baubau, aude hagallongo ange gi gilaadeu.

Psalm 34:11

Agu dama, loomai hagalaangona agu muna; gai au ga agoago adu goodou i de madagu i Tagi Maolunga.

John 15:3

Goodou gu lava i de hai ma gu gilimalali, i hiidinga o agu muna gu tala adu ai goodou.

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Proverbs 4:1

Agu dama, goodou hagalaangona agoago a doodou damana, gai kana ange hagalaangona, gi tonu ange goodou aagena;

Proverbs 1:4

e hai gi heiangi de gau llodo ssenga, ma de gaavange gi de gau mmodo de iloo mee aama de hilihili gi heohi —

Proverbs 7:7

Gai au ne galo ange ga tilo denga dama daane mmodo, gai au ne gidee dahi dama daane i olaadeu magavaa, ia se dama daane lodo senga.

De Beebaa go Job 1:5

Gai de masavaa huu e odi ai laangi olaadeu e daonga ai, gai a Job ga aalu gilaadeu ga gaamai ga hagagilimalali. Gai ia ne oho age i boo taiao ga hai dagidahi sigidaumaha dudu ange gi gilaadeu. Go hiidinga ia ne hagadaba, “Kana adu agu dama ne haisala ma de pasa baubau i de Maadua i olaadeu lodo.” Aanei hegau a Job e hai i laangi alodahi.

Luke 15:13

Dua hanu laangi gai tama gauligi ga hagabudu ana mee alodahi ga hano ai gi dahi henua mmao, gai ia ga hai moumou ana mee i de hai denga dahulinga dee heohi.

2 Chronicles 6:16

Deenei ai, Tagi Maolunga, de Maadua o Israel, koe gi hagassula ina au hagatoo donu ange gi doo dangada hai hegau go David, dogu damana, koe ne hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga Israel, i mada luoogu mada, noo au dama e kana ange e daudali i agu hainga, i mada luoogu mada bei oo dagodo.’

De Beebaa go Job 13:26

Koe e daohi denga mee hai ngadaa e hai baasi mai ai gi de au, ma de dau mai ogu haisala i de masavaa oogu e gauligi ai.

Deuteronomy 17:18

Gai de masavaa naa huu oona e noho ai i honga dono nohoanga hodooligi, gai ia gi haia dahi beebaa mulo ga langa ai dahi beebaa maana, mai i de beebaa o de hainga i daho de gau haimeedabu i de aamuli o Levi.

Psalm 17:4

Gai dagodo hegau a dangada — au muna gu hai au gi dee daudali i hegau a tangada e vaivai haia dangada.

Proverbs 2:11

Doo maanetonu e buibui naa goe, gai doo donu ange e hagaloosi adu naa goe,