Psalm 119:53 - De Beebaa Dabu

⁵³ Au gu lili mmao i hiidinga de gau baubau, gu tili gee au hainga.

Psalm 119:53 Referans Kwoze

Ezra 9:3

Gai de masavaa huu aagu ne langona ai muna nei, gai au ga ssae ogu malo ma dogu malo laa daha ma de vele ngaangaaulu o dogu biho ma dogu gumigumi ga noho gi lalo, i hiidinga de lele mmao ogu mouli.

Psalm 119:158

Au e kino i gilaadeu e dee hai hegau i de mee abodonu, i hiidinga gilaadeu e dee daudali i au muna.

Philippians 3:18

Go hiidinga gu soa donu dangada ni hagadaumee niio de laagau lui o Klisdo i alaadeu hegau e hai. Gai gu lava donu i dagu tala adu gi goodou mee nei i mua, gai au e ahe ange hogi e tala adu gi goodou iainei ma de dangi.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Ezra 10:6

Gai Ezra ga hano gee mai i ma te hale o de Maadua, ga ulu gi lo te aabi o Jehohanan, tama daane a Eliashib ga noho ai i de boo laa. Gai ia tee gaimee be ne unu hanu vai, go hiidinga ia gu daemaha i de hai hegau hakino gee o dangada nogo nnoho laa i dahi henua gee.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Daniel 4:19

Gai Daniel, dahi ono ingoo laa go Belteshazzar, gu dee maua i de basa i dahi masavaa bodobodo, gai ia gu madagu i hiidinga o de midi laa. Gai de hodooligi ga basa ange ga hai ange, “Belteshazzar, aude manavasaa oo lodo i hiidinga o de midi naa aabe go dono hagadoonunga.” Belteshazzar ne basa ange ga hai ange, “Dogu dangada aamua, mee naa de midi nei ma dono hagadoonunga gi ni mee e hai ange gi oo hagadaumee!

Psalm 119:136

Au e dangi ma de ssali ogu loimada, i hiidinga dangada e dee daohi au hainga.

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

Psalm 89:30

Gai noo ana dama e tili dagu hainga ma tee daudali i agu mee gu hagamodu;

Ezra 9:14

E aha, ga aahe ange gimaadeu e oha au muna gu tala mai, ma de hai bodu ange gi dangada e haia dahulinga hakino gee nei? E aha, koe e dee lili naa i gimaadeu ga daa gimaadeu gu maakau, gu deai se gimaadeu ne aahe mai nei e doe aabe ola?

Nehemiah 5:6

Au ne kona mmao dogu lili, i de masavaa aagu ne langona ai delaadeu tala muna nei.