Psalm 119:40 - De Beebaa Dabu

⁴⁰ Tilo, au e lodo mmao i au muna gu hagasauaa. Koe gi daohia dogu mouli i hiidinga koe e heohi.

Psalm 119:40 Referans Kwoze

John 10:10

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

Psalm 119:20

Au e kona mmao de maanadu au hagamodu i masavaa alodahi.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Psalm 119:159

Koe gi diiloo dogu lodo mmao i au muna gu hagasauaa! Tagi Maolunga, daohia dogu mouli gi bei dagodo o doo abodonu.

Psalm 119:37

Hagahulia gee luoogu mada i mee e deai olaadeu haigamaiana; gai hagaola ina dogu mouli gi bei dagodo o au muna.

Psalm 119:25

Au gu dagodo gi lalo i lo te gelegele; hagaola ina dogu mouli bei dagodo au muna!

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

Galatians 5:17

Go hiidinga lodo o de angaanga e hai baasi ange donu gi lodo o de Hagasaalunga, gai lodo o de Hagasaalunga e hai baasi ange gi lodo o de angaanga. Luu mee nei e hagadau hai baasi donu, gai e hai gi dee maua e goodou i de hai oodou mee e llodo ai.

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Matthew 26:41

Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”

Psalm 119:156

Tagi Maolunga, doo lodo aloha e laumalie mmao; daohia dogu mouli bei dagodo o dau mee gu hagamodu.

Psalm 119:149

Hagalaangona dogu leo bei dagodo o doo abodonu, Tagi Maolunga, daohia dogu mouli, bei dagodo o au hagamodu.

Psalm 119:107

Tagi Maolunga, au gu duasala mmao; daohia dogu mouli bei dagodo o au muna.

Psalm 119:88

Hagaola ina dogu mouli i doo abodonu, gai au e daohi au muna gu tala.

3 John 1:2

Dogu soa hagamogomogo, au e dalodalo koe gi manuuia i mee alodahi, gai doo angaanga gi mmahi, bei dagodo de mmahi o doo hagasaalunga.

Romans 7:24

E hagaaloha mmao ogu dagodo! Goai e maua i de hagaola ngau mai i de angaanga e magau nei?

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

Mark 9:24

De masavaa laa gai tamana o tama daane laa ga hagaleo laumalie, ga hai ange, “Au e hagadonusia, gai balea mai au i tee dohu dogu gai!”

Psalm 119:5

Mee naa gi maua e au i de daohi gi makaga ga daudali i au muna gu hagasauaa!