Psalm 119:36 - De Beebaa Dabu

³⁶ Hagahulia ange ogu lodo gi au muna, e dee go de nnoo hagamau mee.

Psalm 119:36 Referans Kwoze

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Luke 12:15

Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”

1 Kings 8:58

Gai ia gi hagadaahuli ina mai odaadeu lodo gi de ia, gai gidaadeu ga seesee ai i ono haiava alodahi, ma de daohi ana hainga, ma ana muna gu hagasauaa, ma ana hagamodu gu gaavange gi odaadeu dubuna madagidagi.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Psalm 141:4

Koe gi dee dugua mai au gi lodo e hai de mee dee heohi, ma de hai de baubau madali gilaadeu e haia de baubau; gai au gi dee gaina alaadeu gai mammami.

Exodus 18:21

Gai koe hilia hogi hanu daane maatua abodonu mai i magavaa o dangada — ni daane e maatagu i de Maadua, ma de hai hegau i de mee abodonu aama de kino i mee ngadi gaavange hagasenga — ga vaevae ange dangada gilaadeu gi dagina; hanu e dagimano, hanu e dagillau, hanu e dagimadalima, aagai hanu e dagimadaangahulu.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

Habakkuk 2:9

E vakaa tangada e hagaduulia dono hale i mee e maua i hegau baubau, ma de hili dono hoohanga i de mommee maolunga, gi noho baba ai ia!

Ephesians 5:3

Aagai gi deai donu se dangada hai be se manu i oodou magavaa, be se dangada dahulinga hakino gee daudahi, aabe go de nnoo hagamau mee; go hiidinga mee nei e dee heohi ange donu gi dangada o de Maadua.