Psalm 119:32 - De Beebaa Dabu

³² Au e savini i lo te haiava o au hainga, go hiidinga koe gu hai gi donu danuaa ange au.

Psalm 119:32 Referans Kwoze

1 Kings 4:29

Gai de Maadua ne gaavange gi Solomon de heiangi ma de iloo mee, gai dono donu ange gi mee e dee maua i de tala ono dagodo, bei de lagolago o denga gelegele i gaogao tai.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

2 Corinthians 3:17

Gai Tagi Maolunga go de Hagasaalunga donu, gai be go hee naa huu o de Hagasaalunga o Tagi Maolunga iai, gai iai hogi de ilaage.

2 Corinthians 6:11

De gau Corinth, gimaadeu gu tala adu de muna abodonu gi goodou; gai omaadeu lodo e maahuge adu gi goodou i de aloha.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Psalm 119:45

gai au e maua naa i de seesee i de ilaage, go hiidinga au e hagaduu ngae ma e daudali i au muna gu hagasauaa.

Psalm 18:36

Koe ne hagaduu au i de mommee lahalaha, gai luoogu vae tee ssege donu.

John 8:36

Gai noo Tama e hagailaage goe, gai koe gu ilaage donu.

1 Peter 2:16

Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.

Isaiah 60:5

Gai luoo mada e maalama age naa i dau gidee, koe e lodo danuaa naa ma de malangilangi mmao. De lava o honga lausedi e gaavadu naa gi de goe gai de lava o denga huaahenua e gaavadu naa gi de goe.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

Genesis 26:22

Gai ia ne ngalue ange gi dahi mommee gee ga geli ai dahi vai geli, gai gilaadeu teai donu ne hagadaumee ange gi de ia i de vai laa. Gai ia ga hagaingoo ange de vai laa go Rehoboth, go hiidinga ia e hagadaba, “Anailaa nei gai Tagi Maolunga gu hai gi lahalaha demaadeu mommee, gai gimaadeu e hagadili naa ga soa i de henua nei.”