Psalm 119:176 - De Beebaa Dabu

¹⁷⁶ Au gu silivaahea saele bei dagodo o ssiibi gu dee maleva laa; humai saalaa doo dangada hai hegau, go hiidinga au e dee ngalo donu au hainga.

Psalm 119:176 Referans Kwoze

Luke 19:10

Go hiidinga Tama a Tangada ne humai e ssala ma de hagaola gilaadeu gu dee maaleva laa.”

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

Matthew 15:24

Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Ezekiel 34:6

Agu ssiibi gu ssenga saele i honga mounga ma duuduu alodahi. Gilaadeu gu mavaevae saele i henua i lalo alodahi, gai e deai donu dangada e saalaa gilaadeu.

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

Psalm 119:93

Au e dee haihai naa donu ga ngalo au muna gu hagasauaa, i hiidinga go au hainga ne hagaola ina dogu mouli.

Psalm 119:61

Gai ga noodia naa donu au i uga a de gau baubau, gai au e dee ngalo donu dau hainga.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Matthew 10:6

Gai goodou hulo donu huu gi denga ssiibi i magavaa o dangada o Israel gu dee maaleva laa.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Psalm 119:16

Au e malangilangi i au hainga gu hagasauaa; au e dee ngalo naa donu au muna.

Jeremiah 50:6

Ogu dangada gu bei dagodo o denga ssiibi gu dee maleva laa; olaadeu dangada hagaloosi gu tili gilaadeu gi ssenga saele i honga mounga. Gai gilaadeu gu silivaahea saele i honga mounga ma duuduu, gilaadeu gu ngalo de mommee iai delaadeu buibui.