Psalm 119:160 - De Beebaa Dabu

¹⁶⁰ Au muna alodahi ni muna abodonu; au hagamodu heohi alodahi e daakodo ga hano ai.

Psalm 119:160 Referans Kwoze

Proverbs 30:5

Muna hugadoo a de Maadua e heohi abodonu; gai ia e bei de mee hungihungi e buibui ai gilaadeu e mmuni i ono daha.

2 Timothy 3:16

Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

Psalm 119:144

Au muna e heohi ga hano ai; haia gi donu ange au gi mee nei, gi mouli ai au.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Ecclesiastes 3:14

Au e iloo bolo mee alodahi a de Maadua ne hai e daakodo naa donu ga hano ai; e deai donu mee e maua i de hagapuni ange aabe go de kave gee ai. Gai de Maadua ne hai gi dagodo bee nei, gi maatagu ai dangada i de ia.

Psalm 119:142

Doo heohi e dee ngado mai donu, gai dau hainga ni muna abodonu.

Psalm 119:152

Au gu iloo huu au muna madagidagi loo, gai koe ne hai gi daakodo au muna ga hano ai.

Psalm 119:138

Koe gu hagasauaa au muna i de heohi gai ni muna abodonu mee nei.

Psalm 119:86

Au hainga alodahi ni muna abodonu; balea mai au, i hiidinga gilaadeu e vaivai hai au gai e deai donu hiidinga.

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.