Psalm 119:132 - De Beebaa Dabu

¹³² Huli mai ma gi abodonu mai gi de au, bei doo abodonu ange laa gi gilaadeu e aaloha i doo ingoo.

Psalm 119:132 Referans Kwoze

Psalm 119:124

Koe gi hai hegau ange gi doo dangada hai hegau bei dagodo o doo abodonu, gai agoagona mai au i au hainga gu hagasauaa!

Psalm 106:4

Tagi Maolunga, manadua mai huu au i de masavaa aau e abodonu ange ai gi oo dangada, gai balea mai au i dau hagaola gilaadeu;

Psalm 25:18

Anga mai diiloo dogu duasala ma dogu hai ngadaa, gai degi mai gi ogu haisala alodahi.

Psalm 25:16

Huli mai gi de au, gai abodonu mai gi de au; i hiidinga au gu hagaaloha ogu dagodo ma de duasala.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

Exodus 4:31

Deelaa ai, dangada alodahi gu hagadonusia alaau muna. Gai ga langona huu e de gau Israel bolo Tagi Maolunga gu humai donu ma gu gidee e ia olaadeu hagaduasala, gai gilaadeu ga ino ga daumaha ange gi de ia.

Psalm 5:12

Tagi Maolunga, koe e hagamanuuia tangada e heohi, ma de buibui ia i doo abodonu bei de mee hungihungi.