Psalm 119:125 - De Beebaa Dabu

¹²⁵ Go au doo dangada hai hegau, haia gi dahi agu iloo, gi donu ange ai au gi au muna.

Psalm 119:125 Referans Kwoze

Psalm 116:16

Tagi Maolunga, go au donu doo dangada hai hegau; go au doo dangada hai hegau, go tama daane a doo hahine hai hegau; koe gu tala ogu mee e nnoa ai.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

2 Timothy 2:7

Noho hagasaele age agu muna e tala adu nei gi de goe, gai Tagi Maolunga ga hai ai gi donu ange goe gi mee nei alodahi.

Proverbs 14:8

Tangada maanetonu e heiangi i de hagasaele dono haiava e hano ai, aagai de gau llodo ssenga e hagasengalia donu.

Psalm 119:34

Haia gi donu ange au, gai au ga daohi dau hainga ma de daudali i mee nei i ogu lodo alodahi.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

Proverbs 9:10

De madagu i Tagi Maolunga go taamada o de heiangi, gai dau iloo de Ia Dabu laa go de hai ga donu ange goe.

Psalm 119:94

Hagaola ina mai au, go hiidinga au niiau; au ne ssala gi iloo e au, au muna gu hagasauaa.

Psalm 119:66

Agoagona mai au i de iloo mee ma de heiangi, i hiidinga au e hagadonusia au hainga.

Psalm 119:29

Gaavee gee de hadu muna mai i ogu daha, gai agoagona mai au i au hainga i hiidinga doo abodonu.

Psalm 119:11

Au e doange au muna i ogu lodo, gi dee haisala adu ai au gi de goe.

Psalm 86:16

Huli mai ma gi lodo aloha mai gi de au; hagammahi ina doo dangada hai hegau i oo mahi, gai hagaola ina tama daane a doo hahine hai hegau.